ირანმა შეთანხმება ზედმეტად გააჭიანურა, ახლა შესაბამისი ფასი უნდა გადაიხადოს – ტრამპი

აშშ-ის პრეზიდენტმა დონალდ ტრამპმა განაცხადა, რომ ირანმა სამშვიდობო შეთანხმების გაფორმება ზედმეტად გააჭიანურა და ახლა ქვეყანამ შესაბამისი ფასი უნდა გადაიხადოს. ასევე, მისი თქმით, შესაძლოა მან ირანის ელექტროსადგურებსა და ხიდებზე იერიშების განხორციელების ბრძანება გასცეს.

თეთრი სახლის ლიდერის ეს განცხადება ამერიკული შეიარაღებული ძალების მიერ ირანის ტერიტორიაზე მიტანილ დარტყმებს მოჰყვა. როგორც ირკვევა, აშშ-ის ცენტრალური სარდლობის განმარტებით, სამხედრო ოპერაცია საპასუხო იერიშს წარმოადგენდა იმ ინციდენტზე, რომელიც ამერიკული არმიის კუთვნილი „აპაჩის“ ტიპის ვერტმფრენის ჩამოგდებას უკავშირდებოდა.

თავის მხრივ, ოფიციალური თეირანი ვერტმფრენის ჩამოგდებაზე პასუხისმგებლობას პირდაპირ არ აღიარებს, ირანის სახელმწიფო მაუწყებელი კი ჰორმუზის სრუტეში ბოლო 24 საათის განმავლობაში ყოველგვარ თავდასხმით სამხედრო ოპერაციას უარყოფს.

პარალელურად, პრეზიდენტმა ტრამპმა საკუთარ სოციალურ ქსელში ირანის სამხედრო პოტენციალი მკაცრად გააკრიტიკა და აღნიშნა, რომ ქვეყნის შეიარაღებული ძალები სრულ კოლაფსს განიცდის. მისი განცხადებით, ირანის სამხედრო-საზღვაო და სამხედრო-საჰაერო ძალების დიდი ნაწილი ფაქტობრივად აღარ არსებობს და ისინი სრულად განადგურდნენ. ამასთან, თეთრი სახლის ლიდერმა მედია იმ ამერიკული საზღვაო ბლოკადის ეფექტიანობის მიჩუმათებაში დაადანაშაულა, რომელსაც ის სამხედრო-საზღვაო ომების ისტორიაში ყველაზე წარმატებულ ოპერაციად მიიჩნევს.

ტრამპის მტკიცებით, ბლოკადის შედეგად, ირანში ბიზნესაქტივობა სრულად შეჩერდა, ქვეყანა სამხედროებს ხელფასებს ვერ უხდის, მიმდინარე ხარჯებს ვერ ფარავს და ჩავარდნილ მალე ის არშემდგარ სწრაფად იქცევა.

მნიშვნელოვანია ითქვას, რომ აღნიშნული განცხადებები მკვეთრად განსხვავდება პრეზიდენტის წინა პოზიციისაგან, როდესაც ის ახალი ხელშეკრულების გაფორმებას უახლოეს ორ-სამ დღეში პროგნოზირებდა და ჰორმუზის სრუტის დაუყოვნებლივ გახსნას გეგმავდა. როგორც ჩანს, ტრამპმა პოზიცია კიდევ ერთხელ შეიცვალა.