ირანული ავიაკომპანიების ფრენები აზერბაიჯანმაც შეზღუდა

ირანული ავიაკომპანიების ფრენების აზერბაიჯანიდანაც შეიზღუდა. აზერბაიჯანის სამთავრობო სააგენტოს APA-ს ინფორმაციით, ირანის ისლამური რესპუბლიკის ავიაკომპანიების მიერ აზერბაიჯანის მიმართულებით ფრენები ჩერდება.

„აშშ-ის მიერ ირანის ისლამური რესპუბლიკის წინააღმდეგ დაწესებული სანქციების ახალი პაკეტის გამო, განსაკუთრებით იმ სანქციებისა, რომლებიც ავიაციის სექტორს ეხება, მიღებულია გადაწყვეტილება, რომ 2026 წლის 22 სექტემბრიდან შეჩერდეს ირანული ავიაკომპანიების მიერ აზერბაიჯანის მიმართულებით განხორციელებული ფრენები“ - ნათქვამია სახელმწიფო კომპანიის Azerbaijan Airlines-ის მიერ გავრცელებულ განცხადებაში.

სანქციების გამო ირანულ ავიაკომპანიებს საქართველოდან ფრენები 21 სექტემბრიდან შეეზღუდათ. ირანული ავიაკომპანიების სანქცირებაზე აშშ-ის ფინანსთა სამინისტროს უცხოური აქტივების კონტროლის ოფისმა (OFAC) 8 სექტემბერს გაავრცელა ინფორმაცია. აშშ-ის ფინანსთა სამინისტროს განცხადებით, ირანის ხელისუფლება საავიაციო სექტორს იარაღისა და უკანონო ტვირთების გადასაზიდად იყენებს.

აშშ-ის მიერ სანქცირებული ირანული ავიაკომპანიებია:

• Air Shiraz • Asa Jet Airline • Ata Airlines Company • Atlas Aviation Group • Ava Airlines • Chabahar Airlines Company • Erwan Airline Company • Fly Kish Airlines • Fly Persia Airlines • Iran Air Tour • Iran Aseman Airlines • Jsky Airlines • Kish Airlines • Karun Airlines Company • Lad Airways • Mehr Airways • Nasim Air • Pars Oghyanous Kish Company • Qeshm Air • Raimon Airways • Saha Airlines • Sepehran Airlines • Soroush Air • Taban Airlines • Toos Airlines • Varesh Airlines • Zagros Airlines