ისრაელის პრემიერ-მინისტრმა ვაშინგტონში დაგეგმილი ვიზიტი გააუქმა
ისრაელის პრემიერ-მინისტრმა, ბენიამინ ნეთანიაჰუმ ვაშინგტონში მიმდინარე კვირას დაგეგმილი ოფიციალური ვიზიტი გააუქმა. როგორც ირკვევა, მთავრობის მეთაურმა ეს გადაწყვეტილება მას შემდეგ მიიღო, რაც კვირას გარდაცვლილი სენატორის, ლინდსი გრემის დაკრძალვა ორგანიზატორებმა თვის ბოლომდე გადადეს. პრემიერ-მინისტრის ოფისის მიერ გავრცელებულ ოფიციალურ განცხადებაში აღნიშნულია, რომ სწორედ ეს არის ერთადერთი მიზეზი, რატომაც აღარ ჩავა ლიდერი ამერიკის შეერთებულ შტატებში.
ცნობისთვის, აქამდე ისრაელის საზოგადოებრივი მაუწყებელი, KAN-ი იტყობინებოდა, რომ ბენიამინ ნეთანიაჰუ ვაშინგტონში შაბათს უნდა გამგზავრებულიყო. პრემიერ-მინისტრი ორშაბათს აშშ-ის პრეზიდენტ დონალდ ტრამპთან შეხვედრას, ხოლო სამშაბათს სენატორის დაკრძალვაზე დასწრებას გეგმავდა.
მნიშვნელოვანია ითქვას, რომ ვაშინგტონსა და თელ-ავივს შორის არსებული მჭიდრო კავშირების მიუხედავად, ბოლო პერიოდში ორმხრივი ურთიერთობები ირანის ომის დასრულებასთან დაკავშირებით აზრთა სხვადასხვაობის გამო მნიშვნელოვნად დაიძაბა. ივნისის თვეში დონალდ ტრამპი ისრაელს ლიბანიდან და სირიიდან სამხედრო ძალების გაყვანასაც სთხოვდა, თუმცა ნეთანიაჰუმ ორივე მოთხოვნა უარყო და განაცხადა, რომ მათი ძალები დაკავებულ ტერიტორიებზე იქამდე დარჩებიან, სანამ ეს ქვეყნის უსაფრთხოებისთვის მნიშვნელოვანი იქნება.
BM.GE
წყარო: bm.ge