საქართველოს მარილის იმპორტი 15%-ით გაუძვირდა | საიდან შემოგვაქვს?

2026 წლის იანვარ-ივლისში საქართველომ 43,462 ტონა მარილი $4.7 მილიონად შემოიტანა. გასული წლის ანალოგიურ პერიოდში იმპორტირებული მარილის მოცულობა 48,919 ტონას, ხოლო ღირებულება $4.6 მილიონს შეადგენდა.

შესაბამისად, საანგარიშო პერიოდში მარილის იმპორტი გადახდილი თანხის მიხედვით, წლიურად დაახლოებით 2.2%-ით გაიზარდა, მაშინ როდესაც იმპორტირებული პროდუქციის მოცულობა 11.1%-ით შემცირდა.

მონაცემების მიხედვით, 2026 წლის იანვარ-ივლისში საქართველოში შემოტანილი 1 ტონა მარილის საშუალო საიმპორტო ღირებულება დაახლოებით $108-ს შეადგენდა. 2025 წლის იმავე პერიოდში კი 1 ტონა მარილის საშუალო ფასი დაახლოებით $94 იყო.

ამრიგად, ერთ ტონაზე საშუალო საიმპორტო ფასი დაახლოებით $14-ით, ანუ 15%-ით გაიზარდა.

რაც შეეხება საიმპორტო ქვეყნებს, წელს, მარილის მთავარი მომწოდებელი თურქეთია. 2026 წლის იანვარ-ივლისში თურქეთიდან $2.1 მილიონი დოლარის 22,740 ტონა მარილი შემოვიდა. მეორე ადგილზეა ირანი, საიდანაც საქართველოში $1.2 მილიონი დოლარის 14,959 ტონა მარილი შემოვიდა. ხოლო, მესამე პოზიციაზე აზერბაიჯანია - $649 ათასი და 3,665 ტონა.

ტოპ-10 მომწოდებელ ქვეყანას შორის ასევე არიან:

• რუსეთი - $367 ათასი, 1,009 ტონა; • ყაზახეთი - $108 ათასი, 528 ტონა; • საბერძნეთი - $49 ათასი, 80 ტონა; • პაკისტანი - $46 ათასი, 178 ტონა; • ნიდერლანდები - $32 ათასი, 98 ტონა; • ხორვატია - $31 ათასი, 800 კილოგრამი; • იტალია - $20 ათასი, 23 ტონა.