ივლისში, თიბისის არხებით სურსათზე გაწეული უნაღდო დანახარჯები 20%-ით გაიზარდა

უნაღდო დანახარჯები მზარდია. „თიბისი კაპიტალის“ მონაცემებით, 2026 წლის ივლისში თიბისი ბანკის არხებით გაწეული მომხმარებელთა უნაღდო დანახარჯები და ტრანზაქციები ორნიშნა ზრდას აჩვენებდა.

კერძოდ, თიბისის გავლით ჯამური უნაღდო დანახარჯები წლიურად 20 %-ით, ხოლო უნაღდო ტრანზაქციების რაოდენობა წლიურად 18%-ით. ამავე თვეში თიბისი ბანკის არხებით გაწეული ჯამური უნაღდო დანახარჯების 81% რეზიდენტებზე, 19% კი არარეზიდენტებზე მოდიოდა. ბოლო 1 თვეში არარეზიდენტების წილი 3 პროცენტული პუნქტით გაიზარდა.

ამავე თვეში სურსათზე უნაღდო დანახარჯები წლიურ ჭრილში 20%-ით გაიზარდა, ხოლო საშუალო დანახარჯი ერთ ტრანზაქციაზე 17 ლარს გაუტოლდა. სურსათსა და უალკოჰოლო სასმელებზე ინფლაციამ 5% შეადგინა.

„თიბისი კაპიტალი“ მიუთითებს, რომ ივლისში, ჯამური უნაღდო დანახარჯების განაწილებამ სამომხმარებლო საქონელსა და მომსახურებაზე, შესაბამისად, 60% და 40% შეადგინა. ამავე თვეში საქონელზე გაწეული ჯამური უნაღდო დანახარჯების 44 %-იანი წილი სურსათზე გაწეულმა ხარჯებმა დაიკავა.