ხელოვნური ინტელექტის დანერგვის გამო Barclays-მა 5,000 თანამშრომელი შეამცირა

ბრიტანულმა საბანკო გიგანტმა Barclays-მა ხარჯების ოპტიმიზაციისა და ეფექტიანობის გაზრდის მიზნით 5,000 სამუშაო ადგილის შემცირების გადაწყვეტილება მიიღო. დაგეგმილი საკადრო ცვლილება ბანკის გლობალური სამუშაო ძალის დაახლოებით 5%-ს შეეხება.

ფინანსური ინსტიტუტი საოპერაციო ხარჯების შემცირებას და ინვესტიციებისთვის დამატებითი რესურსების გამოთავისუფლებას ხელოვნური ინტელექტის მასშტაბური ინტეგრაციით გეგმავს.

ხელმძღვანელობის განმარტებით, ამ შემცირებების 60%-მდე დამხმარე პოზიციებზე მომუშავე ადამიანებზე, მათ შორის პროგრამულ დეველოპერებზე მოვა. არსებული ინფორმაციით, ბრიტანული ჯგუფი მიზნად ორგანიზაციული სტრუქტურის გამარტივებასა და თანამედროვე ტექნოლოგიების მეშვეობით შიდა პროცესების ოპტიმიზაციას ისახავს.

საყურადღებო ფაქტია, რომ საკადრო ოპტიმიზაციის გეგმის გამოქვეყნების შემდეგ Barclays-ის აქციების ფასი თითქმის 1%-ით დაეცა. ლონდონის საფონდო ბირჟაზე სავაჭრო სესიის დაწყებიდან ერთ საათზე ნაკლებ დროში ფასიანი ქაღალდების ღირებულება მკვეთრად შემცირდა.

ცნობისთვის, Barclays-მა მიმდინარე წლის პირველ ნახევარში 1,000 სამუშაო ადგილი უკვე შეამცირა. ინფორმაციისთვის, ბრიტანული საბანკო გიგანტი მსოფლიოს მასშტაბით 90,000-ზე მეტ თანამშრომელს ასაქმებს.