კოლუმბიაში მომხმდარმა მიწისძვრამ 100-ზე მეტი ადამიანი იმსხვერპლა

ორშაბათს, დასავლეთ კოლუმბიაში მომხდარი ძლიერი მიწისძვრის შედეგად, 100-ზე მეტი ადამიანი დაიღუპა. მიწისძვრამ, რომელიც მიმდინარე საუკუნეში ქვეყნისთვის ყველაზე მძლავრი აღმოჩნდა, დაანგრია შენობები, დააზიანა საავადმყოფოები და ინფრასტრუქტურა.

Reuters წერს, რომ სტიქია აბელარდო დე ლა ესპრიელიას მიერ საპრეზიდენტო ფიცის დადებიდან სულ რამდენიმე დღეში მოხდა, რამაც ახალი ადმინისტრაცია პირველი მასშტაბური კრიზისის წინაშე დააყენა.

„პირველი პრიორიტეტი ნანგრევებში მოყოლილი ადამიანების გადარჩენაა“ - განაცხადა პრეზიდენტმა.

დე ლა ესპრიელია სანაპირო პროვინცია ჩოკოს დედაქალაქ კიბდოს ეწვია, სადაც მათ, ვინც სახლი დაკარგა, ქირის სუბსიდირებას დაჰპირდა.

აშშ-ის გეოლოგიური სამსახურის (USGS) ცნობით, დასავლეთ კოლუმბიაში 7.4 მაგნიტუდის სიმძლავრის მიწისძვრა 107 კილომეტრის სიღრმეზე მოხდა.