კოსტა-რიკამ ბედნიერების ინდექსით შვედეთს და ნორვეგიას გადაუსწრო - 2026 წლის რეიტინგი

მიუხედავად იმისა, რომ სკანდინავიური ქვეყნები დიდი ხანია მსოფლიო ბედნიერების ანგარიშში (World Happiness Report) ლიდერობენ, 2026 წელმა ერთი სიურპრიზი მოიტანა. ანგარიშის 14-წლიან ისტორიაში პირველად, საუკეთესო ხუთეულში ლათინური ამერიკის ქვეყანა მოხვდა: კოსტა-რიკამ გააგრძელა თავისი მრავალწლიანი აღმასვლა და, 2023 წლის 23-ე ადგილიდან, 2026 წელს მეოთხე ადგილზე გადაინაცვლა.

რეიტინგი, რომელსაც ყოველწლიურად Gallup-ი, ოქსფორდის კეთილდღეობის კვლევის ცენტრი და გაეროს მდგრადი განვითარების გადაწყვეტილებათა ქსელი ადგენენ, ეფუძნება სამწლიან საშუალო მაჩვენებელს იმისა, თუ როგორ აფასებენ 140 ქვეყნის მცხოვრებლები საკუთარ ცხოვრებას.

ამასთან ერთად, გათვალისწინებულია ისეთი ფაქტორები, როგორიცაა მშპ (GDP), სოციალური მხარდაჭერა, სიცოცხლის ხანგრძლივობა, აღქმული თავისუფლება, გულუხვობა და კორუფცია.

ზედიზედ მეორე წელია, საუკეთესო ათეულში ვერ მოხვდა ვერცერთი დიდი ინგლისურენოვანი ქვეყანა: ავსტრალია მე-15 ადგილზეა, აშშ - 23-ე, კანადა - 25-ე, ხოლო დიდი ბრიტანეთი - 29-ე ადგილზე.

წელს საუკეთესო ხუთეულში შემავალ თითოეულ ქვეყანას აქვს უნიკალური ასპექტები, რომლებიც მათ ბედნიერებას განაპირობებს, თუმცა არჩევანის გაკეთების თავისუფლება ყველა მათგანში მაღალი მაჩვენებლით ფასდება.

1. ფინეთი

ბოლო 10 წლიდან 9-ის განმავლობაში ფინეთი პირველ ადგილს იკავებს. ქვეყანას მაღალი ქულები აქვს სოციალური მხარდაჭერისა და კორუფციის აღქმის დაბალი დონის კუთხით. აქ მცხოვრებლები ხშირად მიუთითებენ სოციალური დაცვის ქსელზე - განათლებისა და ჯანდაცვის ჩათვლით - რომელიც უსაფრთხოებისა და კეთილდღეობის განცდას ქმნის.

მიუხედავად იმისა, რომ ქვეყანაში მაღალი გადასახადებია, მოსახლეობა ამაში ნათელ კომპენსაციას ხედავს.

2. ისლანდია