ლარი დოლართან და ევროსთან მიმართებით გამყარდა

11 ნოემბრის ვაჭრობის შედეგად ლარი დოლართან მიმართებით გამყარდა. ეროვნული ბანკის მიერ გამოქვეყნებული მონაცემების თანახმად, ერთი აშშ დოლარის ღირებულება 2.5933 ლარი გახდა. შესაბამისად, ლარი დოლართან 0.03 თეთრით გამყარდა.

ამასთან, ეროვნული ვალუტა ევროსთან მიმართებით 2.16 თეთრით გამყარდა, რის შედეგადაც ერთი ევროს ოფიციალური ღირებულება 2.8895 ლარი გახდა.

გირვანქა სტერლინგთან მიმართებით კი ლარი 2.84 თეთრით გაუფასურდა, შედეგად ერთი ფუნტის ღირებულება 3.4551 ლარი გახდა.

ერთი ლირას კურსმა 5.16 თეთრი შეადგინა.