SOCAR-მა ლევან დავითაშვილი Italiana Petroli-ს გენერალურ დირექტორად დანიშნა

საქართველოს ეკონომიკის ყოფილი მინისტრი და ყოფილი ვიცე-პრემიერი ლევან დავითაშვილი იტალიის ერთ-ერთი უმსხვილესი ნავთობკომპანია Italiana Petroli-ის CEO გახდა. ამის შესახებ კომპანიის მიერ გამოქვეყნებული განცხადებიდან ხდება ცნობილი.

კომპანია Italiana Petroli 2026 წლის მაისში აზერბაიჯანის სახელმწიფო ნავთობკომპანია SOCAR-მა 2.9 მილიარდ ევროდ შეიძინა, კომპანია აღნიშნულ გარიგებაზე 2025 წლის სექტემბრიდან მუშაობდა და საბოლოო რეგულატორული ნებართვა 2026 წლის მაისში მიიღო, რის შემდეგაც მისი 99.82%-ის წილი შეიძინა. აღნიშნული გარიგების ხელმოწერის შემდეგ SOCAR-ის გადაწყვეტილებით, Italiana Petroli-ის გენერალური დირექტორის პოსტი ლევან დავითაშვილმა დაიკავა.

დავითაშვილი ეკონომიკის მინისტრის პოსტს 2022 წლის თებერვლიდან 2025 წლის ივნისამდე იკავებდა.

Italiana Petroli ევროპის ქვეყნებში 4,500 ავტოგასამართი სადგურით ოპერირებს, კომპანიის საკუთრებაშია ასევე ნავთობგადამმუშავებელი ქარხნები, რომელთა სიმძლავრეც წლიურად 10 მილიონი ტონის გადამუშავებაა. კომპანიის ყოველწლიური შემოსავალი 4.3 მილიარდ ევროს აღემატება.