ლიეტუვას სურს, მის ტერიტორიაზე ამერიკული ბირთვული იარაღის განთავსდეს
ლიეტუვამ საკუთარ ტერიტორიაზე ამერიკული ბირთვული იარაღის შესაძლო განთავსების თაობაზე ვაშინგტონთან ოფიციალური მოლაპარაკებები დაიწყო. ქვეყნის თავდაცვის მინისტრმა რობერტას კაუნასმა ჟურნალისტებთან საუბარში ამ ორმხრივი დისკუსიების აქტიური მიმდინარეობა დაადასტურა. მისი თქმით, ეს სტრატეგიული პროცესი ევროპის კონტინენტზე ამერიკული სამხედროების შემცირების გეგმამ გაააქტიურა.
როგორც ცნობილია, თეთრი სახლი ამ ნაბიჯს NATO-ს მოკავშირეების მხრიდან მხარდაჭერის ნაკლებობით ხსნის. მინისტრი კაუნასი აღნიშნავს, რომ ის ნაბიჯები, რომელთა გადადგმასაც აშშ-ის მოქმედი ადმინისტრაცია გეგმავს, უსაფრთხოების სერიოზულ რისკებს შეუქმნის ლიეტუვას, შესაბამისად, საჭიროა ქმედითი სვლების განხორციელება იმ ქვეყნების მხრიდან, რომლებიც ყველაზე მეტი გამოწვევის წინაშე დგანან.
საყურადღებო ფაქტია, რომ ბალტიისპირეთის ამ ქვეყნის კონსტიტუცია მის საზღვრებში მასობრივი განადგურების იარაღის არსებობას მკაცრად კრძალავს. თუმცა. უსაფრთხოების თანამედროვე რისკების გათვალისწინებით, ქვეყნის პრეზიდენტი გიტანას ნაუსედა ძირითად კანონში შესაბამის ცვლილებების შეტანას საჭიროდ მიიჩნევს და ინიციატივის ოფიციალურად წარდგენისთვისაც ემზადება.
BM.GE
წყარო: bm.ge