Magnum, Ben & Jerry’s, Cornetto... - ნაყინის $121 მილიარდიანი ბაზრის TOP 10 მოთამაშე

2026 წელს ნაყინის გლობალური ბაზრის ღირებულება დაახლოებით 121.35 მილიარდ დოლარადაა შეფასებული და პროგნოზების მიხედვით, 2033 წლისთვის 169.4 მილიარდ დოლარს მიაღწევს.

ეს სექტორი მაღალი კონცენტრაციით ხასიათდება - ბაზარზე მნიშვნელოვან წილს რამდენიმე მსხვილი მულტინაციონალური კონგლომერატი აკონტროლებს.

ნაყინის გლობალური ბაზრის უდავო ლიდერი კომპანია The Magnum Ice Cream Company-ია, რომელზეც გლობალური გაყიდვების დაახლოებით 19.4%-ს მოდის. მისი პორტფელი მოიცავს მსოფლიოში რამდენიმე ყველაზე ცნობილ ბრენდს, მათ შორის: Magnum, Ben & Jerry’s და Cornetto.

სიდიდით მეორე გლობალური სუბიექტია Nestlé-სა და PAI Partners-ის ერთობლივი საწარმო Froneri. ეს ჯგუფი Dreyer’s/Edy's-ს ბრენდებს აკონტროლებს და Häagen-Dazs-ის საერთაშორისო უფლებებს ფლობს.

რეგიონული გადანაწილება: მოხმარების ძირითად ცენტრებად კვლავ ჩრდილოეთ ამერიკა და ევროპა რჩებიან, რომლებზეც ნაყინზე გლობალური მოთხოვნის დაახლოებით 55% მოდის. თუმცა, აზიურ-წყნაროკეანური რეგიონი ყველაზე სწრაფად მზარდი ბაზარია - ჩინეთი ლიდერობს მოხმარების მოცულობით, ხოლო ინდოეთში ბაზარი სწრაფად ფართოვდება მზარდი საშუალო კლასის წყალობით.

ქვემოთ მოცემულია მსოფლიოს წამყვანი 10 ბრენდის რეიტინგი მათი საბაზრო წილის, წლიური შემოსავლისა ან/და ბრენდის საერთო ღირებულების მიხედვით:

1. Magnum - Magnum-ი მსოფლიოში ყველაზე გაყიდვადი ნაყინის ბრენდია გლობალური ბაზრის წილის მიხედვით. BusinessStats Market Research 2026-ის კონკურენტული ანალიზის თანახმად, მისი წილი 2026 წელს ბრენდების გლობალური გაყიდვების დაახლოებით 8%-ს შეადგენს, რაც მას მსოფლიოში ნომერ პირველ ნაყინის ბრენდად აქცევს.

2. Ben & Jerry’s - Ben & Jerry’s-ი არის ყველაზე მაღალშემოსავლიანი ცალკეული ნაყინის ბრენდი ამერიკის შეერთებულ შტატებში, რომელიც დაახლოებით 910.68 მილიონი დოლარის წლიურ გაყიდვებს აგენერირებს და აშშ-ის სუპერ-პრემიუმ კლასის პინტის (შეფუთვის ფორმატი) სეგმენტის დაახლოებით 29.1%-ს ფლობს.