მაისიდან დღემდე ენერგეტიკულ ბირჟაზე 38 873 მგტვ ელექტროენერგია გაიყიდა
BM.GE|bm.ge
მაისიდან 10 ივლისის ჩათვლით, საქართველოს ენერგეტიკული ბირჟის მეშვეობით, 38 873 მეგავატი ელექტროენერგია გაიყიდა, რაც დაახლოებით 38.8 მლნ კვტ.სთ-ია.
თუმცა, სტატისტიკა აჩვენებს, რომ ივლისში ბირჟაზე ვაჭრობა არ ყოფილა. საშუალო ფასი კვტ.სთ დაახლოებით 11.5 თეთრი იყო, რაც ნაკლებია საბალანსო ელექტროენერგიის ფასზე (მაისში 14 თეთრი).
ენერგეტიკულ ბირჟაზე გასულ წელს 130 მლნ-მდე კვტ.სთ ელექტროენერგიით ივაჭრეს, რაც 2024 წელს ნავაჭრ ელექტროენერგიას თითქმის 7.5-ჯერ აღემატებოდა. საშუალო ფასი კი 13.14 თეთრი იყო.
ბირჟის წლიური ანგარიშით, 2025 წელს ბირჟაზე არსებული ფასი საბალანსო ელექტროენერგიის ფასზე დაბალი იყო. შედეგად მყიდველებმა 2025 წელს 2.2 მლნ ლარი დაზოგეს.
გაზიარება:
BM
BM.GE
წყარო: bm.ge