მაისში ენერგეტიკულ ბირჟაზე 25 მლნ კვტ.სთ ელექტროენერგია გაიყიდა

საქართველოს ენერგეტიკული ბირჟის მონაცემებით, მაისში ბირჟაზე ვაჭრობა გააქტიურდა. სტატისტიკის მიხედვით, პირველი მაისიდან დღემდე ენერგეტიკულ ბირჟაზე დაახლოებით 25 მლნ კვტ.სთ ელექტროენერგია გაიყიდა. საშუალო ფასი კვტ.სთ 11.5 თეთრი იყო.

აღსანიშნავია, რომ ენერგეტიკულ ბირჟაზე გასულ წელს 130 მლნ-მდე კვტ.სთ ელექტროენერგიით ივაჭრეს, რაც 2024 წელს ნავაჭრ ელექტროენერგიას თითქმის 7.5-ჯერ აღემატებოდა. საშუალო ფასი კი 13.14 თეთრი იყო.

ენერგეტიკული ბირჟის ანგარიშით, 2025 წელს ბირჟაზე არსებული ფასი საბალანსო ელექტროენერგიის ფასზე დაბალი იყო. შედეგად მყიდველებმა 2025 წელს 2.2 მლნ ლარი დაზოგეს.