მაისში მობილურ ოპერატორებს შემოსავალი ₾84 მლნ-მდე გაეზარდათ - რეიტინგი

მობილური მომსახურების ბაზარი ზრდას განაგრძობს. კომუნიკაციების კომისიის ინფორმაციით, 2026 წლის მაისის მდგომარეობით, ქვეყანაში მობილური მომსახურების აბონენტების ჯამურმა რაოდენობამ 5.94 მილიონს მიაღწია, რაც წინა წელთან (5.7 მილიონი) შედარებით 4%-იანი ზრდაა.

აბონენტების რაოდენობის მატების პარალელურად, 8.6%-ით გაიზარდა ბაზრიდან მიღებული ჯამური შემოსავალიც და მან 83.6 მლნ ლარი შეადგინა (გასული წლის მაისში ეს მაჩვენებელი 77 მილიონი ლარი იყო).

ქართულ მობილურ ბაზარზე კვლავ „მაგთიკომი“ ლიდერობს როგორც აბონენტების რაოდენობით, ისე შემოსავლებით:

• მაგთიკომი: კომპანიის აბონენტების რაოდენობა 4.8%-ით გაიზარდა და 2.46 მილიონს მიაღწია. შემოსავლებმა კი 7.4%-იანი ზრდით 38.9 მლნ ლარს გადააჭარბა. „მაგთიკომი“ ბაზრის 41.5%-ს ფლობს აბონენტების და 46.6%-ს შემოსავლების მიხედვით. • სილქნეტი: აბონენტების რაოდენობა 4.8%-ით გაიზარდა და 2.11 მილიონი შეადგინა, ხოლო შემოსავლები 8%-ით — 28.9 მლნ ლარამდე გაიზარდა. კომპანია ბაზრის 35.6%-ს იკავებს აბონენტების რაოდენობით და 34.6%-ს შემოსავლებით. • სელფი: აბონენტების რაოდენობა 2.5%-ით გაიზარდა (1.35 მილიონი). აღსანიშნავია, რომ კომპანიამ ყველაზე მაღალი, 13%-იანი ზრდა აჩვენა შემოსავლებში და 15.7 მლნ ლარს მიაღწია. მისი ბაზრის წილი აბონენტებით 22.7%-ია, ხოლო შემოსავლებით - 18.7%.

მობილური ინტერნეტის ყველა მაჩვენებელი მომხმარებლების რაოდენობა და ტრაფიკი მზარდი ტენდენციით ხასიათდება. ქვეყანაში მობილური ინტერნეტის მომხმარებელთა რაოდენობამ 4.6 მილიონ აბონენტს მიაღწია, რაც 13%-იანი ზრდაა.