მაკა ბოჭორიშვილი უკრაინის საგარეო საქმეთა მინისტრს ესაუბრა

საქართველოს ვიცე-პრემიერმა, საგარეო საქმეთა მინისტრმა, მაკა ბოჭორიშვილმა უკრაინის საგარეო საქმეთა მინისტრთან, ანდრი სიბიჰასთან სატელეფონო საუბარი გამართა. ინფორმაციას საქართველოს საგარეო საქმეთა სამინისტროს პრესსამსახური ავრცელებს. უწყების ცნობით, საუბრისას განხილულ იქნა საქართველო-უკრაინის ურთიერთობები, ხაზი გაესვა დიალოგის მნიშვნელობას და ამ მიმართულებით შემდგომ ნაბიჯებს.