მამუკა მდინარაძე სამართალდამცავი ორგანოების კოორდინაციის საკითხებში სახელმწიფო მინისტრად დაინიშნა
სამართალდამცავი ორგანოების კოორდინაციის საკითხებში სახელმწიფო მინისტრად მამუკა მდინარაძე დაინიშნა.
მთავრობის ადმინისტრაციის ინფორმაციით, დოკუმენტს მთავრობის მეთაურმა ხელი დღეს მოაწერა.
პრემიერ-მინისტრ ირაკლი კობახიძის ბრძანებით, მამუკა მდინარაძეს ასევე დაეკისრა ვიცე-პრემიერის მოვალეობის შესრულება.
შეგახსენებთ, 21 აპრილს ცნობილი გახდა, რომ შინაგან საქმეთა მინისტრი იცვლება. გელა (გეკა) გელაძე, რომელიც ამ პოსტს 2025 წლის მაისიდან იკავებდა, სახელმწიფო უსაფრთხოების სამსახურის უფროსად გადავიდა. გელაძემ ამ პოზიციაზე მამუკა მდინარაძე ჩაანაცვლა. მამუკა მდინარაძისთვის კი ახალი პოზიცია მთავრობის სტრუქტურაში პარლამენტმა 29 აპრილს დაამტკიცა.
მამუკა მდინარაძის მინისტრის აპარატს ცალკე შტატი არ ექნება და საშტატო მხარდაჭერას მთავრობის ადმინისტრაცია გაუწევს - კანონპროექტი
BM.GE
წყარო: bm.ge