„მანჩესტერ იუნაიტედმა“ ფინტექ-კომპანია SumUp-თან მაისურის სახელოს სპონსორობის შეთანხმება გააფორმა

„მანჩესტერ იუნაიტედმა“ ფინანსური ტექნოლოგიების კომპანია SumUp-თან მაისურის სახელოს სპონსორობის შესახებ ახალი შეთანხმება გააფორმა.

ახალი ხელშეკრულების ფარგლებში SumUp-ის ლოგო „იუნაიტედის“ სათამაშო ფორმაზე გუნდის ჩემპიონთა ლიგაზე დაბრუნების მატჩიდანვე გამოჩნდება.

„იუნაიტედმა“ აგვისტოში DXC Technology-სთან ოთხწლიანი სახელოს სპონსორობის კონტრაქტი დაასრულა. ამის შემდეგ, სეზონის საწყის მატჩებში, გუნდს მაისურზე პრემიერ ლიგის სტანდარტული სახელოს პაჩები ჰქონდა, როგორც ამას ლიგის რეგულაციები ითვალისწინებს. თუმცა, „ჰალ სიტისთან“ გახსნით შეხვედრაში კლუბმა ლიგის წესები უნებლიედ დაარღვია, გუნდს სამკლავური მხოლოდ ერთ სახელოზე ჰქონდა დატანილი.

არსებული ინფორმაციით, SumUp-თან გაფორმებული შეთანხმება კლუბს სეზონურად რამდენიმე მილიონ ფუნტს მოუტანს. კომპანიის ბრენდი „მანჩესტერ იუნაიტედის“ კაცთა, ქალთა და აკადემიის გუნდების მაისურებზე ყველა ტურნირში იქნება წარმოდგენილი.

SumUp-ის ბრენდი ასევე თვალსაჩინო ადგილს დაიკავებს მატჩების დღეებში „ოლდ ტრაფორდზე“ და Leigh Sports Village-ში მდებარე Progress with Unity Stadium-ზე. SumUp-თან გაფორმებული კონტრაქტი მას შემდეგ შედგა, რაც „იუნაიტედმა“ აგვისტოში დაადასტურა, რომ ახალი სავარჯიშო ფორმის პარტნიორი Betway გახდებოდა. The Athletic-ის ინფორმაციით, Betway-სთან პარტნიორობის ღირებულება 18 მილიონ ფუნტზე მეტია და ერთი პარტნიორის ფარგლებში გაფორმებულ საფეხბურთო კონტრაქტებს შორის ერთ-ერთ ყველაზე მაღალ მაჩვენებელს წარმოადგენს.