მართვის მოწმობის აღება მარტივდება, იცვლება ქალაქის გამოცდის რიგების მართვის პრინციპიც|ბრძანება

საქართველოში მართვის მოწმობის მიღების წესები მსუბუქდება. შინაგან საქმეთა მინისტრმა, სულხან თამაზაშვილმა ხელი მოაწერა ბრძანებას, რომლის თანახმადაც საგამოცდო ბარიერი როგორც თეორიულ, ისე პრაქტიკულ გამოცდებზე კანდიდატების სასარგებლოდ იცვლება.

ცვლილებების ძირითადი აქცენტები და სიახლეები საგამოცდო ეტაპების მიხედვით ასე გამოიყურება:

დღეიდან თეორიულ გამოცდაზე 3-ის ნაცვლად 5 შეცდომის დაშვება იქნება შესაძლებელი

B კატეგორიისა და B1 ქვეკატეგორიის (მსუბუქი ავტომობილები და მსგავსი ტრანსპორტი) მართვის უფლების მისაღებ თეორიულ გამოცდაზე საგამოცდო ბარიერი დაბლა იწევს.

თუკი აქამდე მოქმედი წესით კანდიდატს 30-კითხვიან ტესტში მხოლოდ 3 შეცდომის დაშვების უფლება ჰქონდა (გამსვლელი ქულა 27 იყო), 15 ივნისიდან დასაშვები შეცდომების რაოდენობა 5-მდე იზრდება. შესაბამისად, თეორიული გამოცდის წარმატებით ჩასაბარებლად მინიმუმ 25 სწორი პასუხის დაფიქსირება იქნება საკმარისი. საგამოცდო დრო კვლავინდებურად 30 წუთით განისაზღვრება.

ასევე დღეიდან, იცვლება ქალაქის გამოცდის რიგების მართვის პრინციპიც

პრაქტიკული გამოცდის მეორე ეტაპის რიგში ადგილების უფრო სამართლიანად გადანაწილების მიზნით, მომსახურების სააგენტო უფლებამოსილი ხდება შეიმუშაოს სპეციალური ალგორითმი.

სისტემა გააანალიზებს კანდიდატთა მონაცემებს და დაჯავშნისას პრიორიტეტს მიანიჭებს მათ, ვინც გამოცდაზე პირველად გადის, აქამდე ნაკლები გასვლა აქვს დაფიქსირებული ან რიგში ჩაწერას დიდი ხნის განმავლობაში ელოდება.

2026 წლის 15 ივნისიდან ქალაქის პრაქტიკულ გამოცდაზე მსუბუქი შეცდომების ლიმიტი იზრდება

მნიშვნელოვანი შეღავათი წესდება პრაქტიკული გამოცდის მეორე ეტაპზეც (მოძრაობა რეალურ პირობებში/ქალაქში).