Mastercard-ის კვარტალურმა შემოსავალმა მოლოდინებს გადააჭარბა, თუმცა აქციების ფასი შემცირდა

ონლაინ გადახდების ამერიკულმა გიგანტმა, Mastercard-მა 2026 წლის პირველი კვარტალის ფინანსური შედეგები წარადგინა. აღსანიშნავია, რომ ამ მაჩვენებლებით მან ანალიტიკოსების მოლოდინებს გადააჭარბა.

როგორც ირკვევა, კომპანიის შემოსავალმა 8.4 მილიარდი დოლარი შეადგინა, რაც გასული წლის ანალოგიურ პერიოდს 16%-ით აღემატება. რაც შეეხება წმინდა მოგებას, ამ მხრივ 3.9 მილიარდი დოლარი დაფიქსირდა. შედეგად, კორექტირებულმა მოგებამ თითო აქციაზე 4.60 დოლარს მიაღწია და გადააჭარბა უოლ სტრიტის ანალიტიკოსების მიერ ნავარაუდებ $4.44 დოლარს.

რაც შეეხება სხვა მნიშვნელოვან დეტალებს, Mastercard-ის გამოყენებით განხორციელებული ტრანზაქციების მოცულობამ კვარტალში 2.7 ტრილიონი დოლარი შეადგინა, რაც 7%-ით აღემატება გასული წლის ანალოგიური პერიოდის შედეგებს. პარალელურად, ქვეყნებს შორის ოპერაციების მოცულობა 13%-ით გაიზარდა. აღსანიშნავია, რომ 22%-ით გაუმჯობესდა შემოსავალი ტრადიციული მომსახურების პარალელურად არსებული შეთავაზებების კუთხით.

რაც შეეხება საოპერაციო მარჟას, კორექტირებულმა მაჩვენებელმა 60.8% შეადგინა. მნიშვნელოვანია ითქვას, რომ კორპორაცია ბოლო 3 თვეში რესტრუქტურიზაციის პროცესზე 202 მილიონი დოლარის ხარჯის გაწევა მოუწია.

ფინანსური შედეგების გამოქვეყნების შემდეგ კომპანიის ხელმძღვანელმა, მაიკლ მიბახმა ინვესტორებთან ისაუბრა და დივერსიფიკაციისა თუ ციფრული გადახდების განვითარების მნიშვნელობაზე ისაუბრა. როგორც მან აღნიშნა, ამ მხრივ Mastercard-ი აქტიურად ნერგავს Mastercard Agent Pay სისტემას და BVNK-ის შეძენის გზით სტეიბლკოინების გამოყენების შესაძლებლობის გაფართოებას გეგმავს.

შეგახსენებთ, რომ Mastercard-ი გლობალურ საგადახდო ინდუსტრიაში ერთ-ერთ უმსხვილეს ტექნოლოგიურ მოთამაშედ მიიჩნევა.