მილანში “ლა გაზეტა ჯორჯია”-ს მუშაობა შეაჯამეს

მილანში, La Gazzetta dello Sport-ის სათაო ოფისში, ლა გაზეტა ჯორჯიას წარმომადგენლებსა და გამოცემის ხელმძღვანელობას შორის საქმიანი შეხვედრა გაიმართა. მხარეებმა შეაჯამეს პროექტის აქამდე გაწეული მუშაობა და განიხილეს სამომავლო გეგმები. იტალიური მხარის შეფასებით, ლა გაზეტა ჯორჯია ბრენდისთვის წარმატებული საერთაშორისო პროექტია.

La Gazzetta dello Sport Georgia-ს დამფუძნებელი, ლაშა მაჭავარიანი: „მილანში ლა გაზეტა დელო სპორტის დირექტორთან ყოველწლიური ანგარიშის შეხვედრა გვქონდა, სადაც ჩვენი აქამდე გაწეული საქმიანობა პოზიტიურად შეფასდა. ეს დიდი მოტივაციაა ჩვენი გუნდისთვის კიდევ უფრო მეტი ენერგიით გავაგრძელებთ მუშაობას ქართველი მკითხველისთვის. ასევე, რაც არანკლებ მნიშვნელოვანია, დავისახეთ გეგმა, რომ საქართველოს წარმატებული გამოცდილება გავიმეოროთ რუმინეთში - La Gazzetta dello Sport Romania ეგიდით.

შეგახსენებთ, რომ იტალიური ისტორიული ბრენდის ქართული ანალოგი საქართველოში 2024 წლიდან ოპერირებს და მკითხველს ყოველდღიურად აწვდის სპორტულ ინფორმაციას როგორც ვებგვერდის, ისე სოციალური მედიის საშუალებით. გამოცემა აშუქებს საქართველოში გამართულ ყველა სპორტულ ღონისძიებას, ასევე ქვეყნის ფარგლებს გარეთ მიმდინარე ყველა მნიშვნელოვან მოვლენას.