მთავრობა 1-ელი სექტემბრიდან ანაზღაურებად სტაჟირებაზე 3 000 ვაკანსიას გამოაცხადებს - ლევან ჟორჟოლიანი
მთავრობის ადმინისტრაციის ხელმძღვანელის ლევან ჟორჟოლიანის განცხადებით, მთავრობა 1-ელი სექტემბრიდან, პრემიერის ინიციატივით ანაზღაურებად სტაჟირებაზე 3 000 ვაკანსიას გამოაცხადებს.
"ჩვენთვის ძალიან მნიშვნელოვანია, ახალი სისხლი, ახალი თაობა შემოვიდეს საჯარო სამსახურში, პირველი სექტემბრიდან გამოვაცხადებთ დაახლოებით 3 000 ვაკანსიას ანაზღაურებად სტაჟირებაზე", - განაცხადა ჟორჟოლიანმა.
მისი თქმით, წინა წელს სტაჟირების მონაწილეთა თითქმის 50%-მა ან გააგრძელა სტაჟირება, ან სახელმწიფო უწყებაში დასაქმდა, სადაც სტაჟირება გაიარა.
„ამ პროგრამით სრულიად ახალი თაობა, მოტივირებული ახალგაზრდები შემოდიან საჯარო სტრუქტურებში, რომლებიც უნდა ემსახურონ საკუთარ ქვეყანას, მიიღონ გამოცდილება, კვალიფიკაცია აიმაღლონ და მიიღონ კიდევ უფრო მეტი ცოდნა. მერწმუნეთ, საჯარო სექტორში მიღებული ცოდნა და გამოცდილება ცხოვრების ყველა ეტაპზე, შეიძლება, მათ შორის ბიზნესშიც გამოადგეთ ამ ახალგაზრდებს და ძალიან ვგულშემატკივრობთ ამ პროგრამას. ეს პრემიერის ინიციატივაა. ჩვენ მუნიციპალიტეტებს ვთხოვეთ, გაეზარდათ კვოტები სტაჟირების მიმართულებით, რათა უფრო მეტ ახალგაზრდას ჰქონდეს შესაძლებლობა, საკუთარ რეგიონში გაიაროს ანაზღაურებადი სტაჟირება“, - განაცხადა ლევან ჟორჟოლიანმა.
BM.GE
წყარო: bm.ge