მთავრობა პესტიციდებისა და აგროქიმიკატების ფასის რეგულირებას გეგმავს - კანონპროექტი

მთავრობა პესტიციდებისა და აგროქიმიკატების ფასის რეგულირებას გეგმავს. შესაბამისი კანონპროექტი „პესტიციდებისა და აგროქიმიკატების შესახებ“ კანონში საქართველოს პარლამენტს უკვე წარედგინა.

კანონპროექტის განმარტებით ბარათში რეგულირების საჭიროება იმითაა დასაბუთებული, რომ პესტიციდებისა და აგროქიმიკატების ადგილობრივ ბაზარზე ფიქსირდება პროდუქციის ფასების არასტაბილურობა და რიგ შემთხვევაში, მაღალი ფასნამატი. დოკუმენტს ახლავს კონკურენციისა და მომხმარებლის დაცვის სააგენტოს მონიტორინგის შედეგებიც, რომლის თანახმადაც აღინიშნებოდა ისეთი შემთხვევებიც, როდესაც პესტიციდებისა და აგროქიმიკატების ფასნამატი მნიშვნელოვნად აღემატებოდა 100%-ს.

აღსანიშნავია, რომ კანონპროექტის დაჩქარებული განხილვა იყო მოთხოვნილი და მიმდინარე სასესიო პერიოდში უნდა მიეღოთ, თუმცა 15 ივნისის ბიუროს სხდომაზე მთავრობის საპარლამენტო მდივანმა ვახტანგ ბაჩიაშვილმა მისი სექტემბრისთვის გადადების შუამდგომლობა დააყენა, რასაც ბიურომ მხარი დაუჭირა: "ითვალისწინებს პესტიციდების და აგროქიმიკატების ბაზრის რეგულირებას და მნიშვნელოვანი ინიციატივაა, მაგრამ იქიდან გამომდინარე, რომ ამოქმედება სექტემბრისთვის არის გამიზნული, ჩვენი შუამდგომლობა იქნება, რომ სასექტემბრო სესიისთვის გადავიტანოთ და არ იქნეს განხილული უახლოეს პლენარულ სესიაზე",- განაცხადა ვახტანგ ბაჩიაშვილმა.

რას ითვალისწინებს კანონპროექტი?

კანონპროექტის ავტორი გარემოს დაცვისა და სოფლის მეურნეობის სამინისტროა, ხოლო ინიციატორი მთავრობა. მისი მიღების შემთხვევაში, პესტიციდებისა და აგროქიმიკატების ფასი დარეგულირდება და მთავრობას მიენიჭება უფლებამოსილება განსაზღვროს შესაბამისი წესი და პირობები. რეგულირება შეეხება შესაბამისი პროდუქტების იმპორტიორებს, დისტრიბუტორებს და რეალიზატორებს.

კანონპროექტის განმარტებითი ბარათის მიხედვით, პესტიციდების და აგროქიმიკატების ფასების რეგულირების ერთ-ერთი მოდელი შეიძლება ასეთი იყოს: