მთავრობამ 26 მაისის ღონისძიებების დასაფინანსებლად თანხა გაზარდა - 10 უწყებას ₾9 მლნ-მდე გამოეყო

საქართველოს მთავრობის გადაწყვეტილებით, დამოუკიდებლობის დღის – 26 მაისისადმი მიძღვნილი ღონისძიებების დასაფინანსებლად მთავრობის სარეზერვო ფონდიდან გამოყოფილი თანხა გაიზარდა. კერძოდ, 8 მაისის განკარგულებით იგეგმებოდა 8,081,647 ლარის უზრუნველყოფა, ხოლო 18 მაისის განკარგულებით ეს თანხა 8 954 107 ლარამდე გაიზარდა.

მათ შორის:

• საქართველოს თავდაცვის სამინისტროსთვის - 2 422 778 ლარი • კულტურის სამინისტროსთვის - 2 მლნ ლარი • რეგიონი განვითარების სამინისტროსთვის - 895 177 ლარი • ინფრასტრუქტურის სამინისტროსთვის - 695 259 ლარი • გარემოს დაცვისა და სოფლის მეურნეობის სამინისტროსთვის - 692 555 ლარი • შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატისთვის - 660 220 ლარი • იუსტიციის სამინისტროსთვის - 470 000 ლარი • ჯანდაცვის სამინისტროსთვის - 315 835 ლარი • განათლების სამინისტროსთვის - 443 328 ლარი • საგარეო საქმეთა სამინისტროსთვის - 358 955 ლარი

წინა განკარგულებისგან განსხვავებით, უწყებების სიას დაემატა განათლების და საგარეო საქმეთა სამინისტროები.