ნატოს გენმდივანი რუტე კიევში დაუგეგმავი ვიზიტით ჩავიდა - Ukrzaliznytsia
ნატოს ხელმძღვანელი მარკ რუტე კიევში დაუგეგმავი ვიზიტით ჩავიდა, - ამის შესახებ უკრაინის ეროვნული რკინიგზის ოპერატორმა სოციალურ ქსელში გამოქვეყნებულ პოსტში (რომელიც მოგვიანებით წაიშალა) განაცხადა.
ეს ვიზიტი ბოლო კვირებში უკრაინის დედაქალაქზე რუსეთის მიერ განხორციელებულ ფართომასშტაბიანი თავდასხმების სერიას მოჰყვა.
უკრაინის პრეზიდენტი ვოლოდიმირ ზელენსკი, რომელიც, სავარაუდოდ, რუტეს შეხვდება, ნატოს წევრებს უკრაინის რუსული ბალისტიკური რაკეტებისგან დაცვაში დახმარებას სთხოვს.
"დღეს კიევის რკინიგზის სადგურზე სიხარულით ვეგებებით ნატოს გენერალურ მდივანს მარკ რუტეს", - დაწერა Ukrzaliznytsia-მ (უკრაინის რკინიგზამ) ახლა უკვე წაშლილ პოსტში, რომელსაც პლატფორმაზე მდგარი ნატოს ხელმძღვანელის ფოტოები ახლდა.
"ეს ვიზიტი უაღრესად მნიშვნელოვანია, ისევე როგორც ყველა წინა ვიზიტი, რადგან ის არის ალიანსის მხრიდან ჩვენი ქვეყნისადმი სოლიდარობისა და მხარდაჭერის ჟესტი", - დასძინა Ukrzaliznytsia-მ.
მისი ვიზიტი სულ რამდენიმე საათში მოჰყვა უკრაინული დრონების იერიშს ენერგეტიკულ და სამხედრო ობიექტებზე რუსეთის ჩრდილოეთით მდებარე ქალაქ სანქტ-პეტერბურგში, სადაც ოფიციალური პირები და უცხოელი სტუმრები ყოველწლიურ ეკონომიკურ ფორუმზე იკრიბებოდნენ.
ერთი დღით ადრე რუსეთის მიერ კიევსა და აღმოსავლეთით მდებარე ქალაქ დნიპროზე განხორციელებულ სარაკეტო და დრონების თავდასხმებს 23 ადამიანი ემსხვერპლა.
BM.GE
წყარო: bm.ge