ONEOK-მა Permian Midland-ის აქტივების $4.4 მილიარდად შესყიდვა გადაწყვიტა

ამერიკულმა ენერგეტიკულმა კომპანია ONEOK-მა Brazos Midstream-ის Permian Midland-ის აქტივების $4.4 მილიარდად შესყიდვის შესახებ შეთანხმება გააფორმა. გარიგება ბუნებრივი აირის გადასამუშავებელ ქარხნებსა და მილსადენების ქსელს მოიცავს.

კომპანიის აღმასრულებელმა დირექტორმა, პირს ნორტონ მეორემ განაცხადა, რომ ეს შესყიდვა კომპანიის მასშტაბებს ზრდის, ენერგეტიკულ სტრატეგიას ავითარებს და ბუნებრივი აირის ღირებულების ჯაჭვში ONEOK-ის უპირატესობას ამყარებს.

ONEOK-ი შესყიდვის დაფინანსებას Apollo-სგან მიღებული $9-მილიარდიანი ინვესტიციით გეგმავს, საიდანაც $5 მილიარდს ვალების დასაფარად გამოიყენებს.

რაც შეეხება ექსპორტის გეგმებს, ONEOK-ი გლობალურ ბაზრებზე თხევადი ნავთობის აირის გატანას 2028 წლიდან დაიწყებს, როდესაც MPLX-თან ერთობლივი საწარმოს ფარგლებში ტეხასში ექსპორტის პირველი ტერმინალის მშენებლობას დაასრულებს, რომელიც დღეში 400,000 ბარელი LPG-ის გატანას უზრუნველყოფს.

ცნობისთვის, ONEOK-ი ამერიკული ენერგეტიკული კომპანიაა, რომელიც ბუნებრივი აირის შეგროვების, გადამუშავებისა და ტრანსპორტირების ინფრასტრუქტურას ფლობს.