OpenAI-მ უსაფრთხოების რისკების გამო ახალი მოდელი გააუქმა

ხელოვნური ინტელექტის განვითარებაზე მომუშავე კომპანია OpenAI-მ უსაფრთხოების რისკების გამო ახალი მოდელის, GPT-6.1 Astra-ს გამოშვება ოფიციალურად გააუქმა. როგორც ირკვევა, ახალმა ვერსიამ კომპანიის შიდა სტანდარტები სრულად ვერ დააკმაყოფილა.

აღსანიშნავია, რომ GPT 6.1-ის უპირატესობა იქნებოდა ინტერნეტში ინფორმაციის დამოუკიდებლად მოძიება და სხვადასხვა ციფრული აპლიკაციის გამოყენება. როგორც The Wall Street Journal წერს, ეს ის უიშვიათესი შემთხვევაა, როდესაც მსხვილმა ტექნოლოგიურმა დეველოპერმა უსაფრთხოების რისკების გამო პროდუქტის გამოშვება სრულად გააუქმა.

უსაფრთხოების საკითხებში OpenAI-ს ხელმძღვანელის, სააჩი ჯეინის განცხადებით, ახალმა მოდელმა ავტორიზაციისა და მოქმედების დადგენილი ფარგლების დაცვის მიმართულებით კომპანიის მკაცრი მოთხოვნები ვერ შეასრულა. ჯეინის განმარტებით, სისტემა შეუსაბამოდ სუსტი იყო მომხმარებლის წინაშე ანგარიშვალდებულების კუთხით.

ცნობისთვის, ფლაგმანური მოდელი GPT-6 Astra ბაზარზე მიმდინარე წლის სექტემბერში გამოვიდა.