OpenAI-ს წინააღმდეგ კიდევ ერთი სარჩელი შევიდა

კალიფორნიის სასამართლოში OpenAI-სა და მისი დამფუძნებლის, სემ ოლტმენის წინააღმდეგ კიდევ ერთი სარჩელი შევიდა. ამჯერად, მისი ავტორები 19 წლის ახალგაზრდის მშობლები არიან.

როგორც ირკვევა, მათი შვილს, სემ ნელსონს, რომელიც გასულ წელს ნარკოტიკული საშუალებების ჭარბი დოზით მოხმარების გამო გარდაიცვალა ზედმიწევნითი ინსტრუქცია სწორედ ჩეთბოტმა ChatGPT-მ მისცა. გამოძიების თანახმად, ხელოვნურმა ინტელექტმა ახალგაზრდას კრატომით გამოწვეული გულისრევის სამკურნალოდ პრეპარატ „ქსანაქსის“ მიღება შესთავაზა.

ნელსონის მშობლები ფულად კომპენსაციასა და ChatGPT Health-ის პლატფორმის გაშვების შეჩერებას მოითხოვენ. საუბარია პროექტზე, რომელიც კომპანიამ იანვარში წარადგინა და რომელიც მომხმარებლებს სამედიცინო ისტორიების ატვირთვისა და პერსონალიზებული რეკომენდაციების მიღების საშუალებას მისცემს. საყურადღებოა, რომ ყოველდღიურად ჩეთბოტს ჯანმრთელობასთან დაკავშირებულ კითხვებს 40 მილიონამდე ადამიანი უსვამს.

ნელსონების ოჯახის მიერ შეტანილ სარჩელს უკვე გამოეხმაურა OpenAI-ს წარმომადგენელი, დრიუ პუზატერი, რომელმაც მომხდარს "უმძიმესი შემთხვევა" უწოდა. მან აღნიშნა, რომ მომხდარს ChatGPT-ს ახალ ვერსიებთან არავითარი კავშირი არ აქვს და გარდაცვლილ მამაკაცს რეკომენდაცია ჩეთბოტის ძველმა ვერსიამ მისცა. ვერსიამ, რომელიც ამჟამად უკვე აღარაა ხელმისაწვდომი.

აღსანიშნავია, რომ ეს უკანასკნელ პერიოდში ხელოვნური ინტელექტის პლატფორმის წინააღმდეგ შეტანილი მეორე სარჩელია. მანამდე ფლორიდაში მომხდარი მასობრივი მკვლელობის მსხვერპლის ოჯახმა სტარტაპს თავდასხმის დაგეგმვაში დახმარება დააბრალა.