
Palo Alto-მ $4.5 მილიარდად Applied Compute-ის ყიდვა გადაწყვიტა
კიბერუსაფრთხოების ამერიკულმა კომპანიამ Palo Alto Networks-მა ხელოვნური ინტელექტის სტარტაპ Applied Compute-ის $4.5 მილიარდად შეძენის შესახებ შეთანხმებას ოფიციალურად მოაწერა ხელი.
გარიგება, რომელიც 2027 წლის მესამე კვარტალში დაიხურება, კორპორაციული ხელოვნური ინტელექტის მიმართულებით კომპანიის გაფართოებას ემსახურება.
Applied Compute-ის ინტეგრაციით Palo Alto Networks-ი მომხმარებლებისთვის ისეთი ტექნოლოგიური პლატფორმის შეთავაზებას ისახავს მიზნად, რომელიც მათ ღია კოდის მოდელების უსაფრთხო წვრთნასა და დანერგვაში დაეხმარებათ.
ხელოვნური ინტელექტის სწრაფი განვითარება კიბერუსაფრთხოების არნახულ რისკებს ქმნის, რის გამოც Palo Alto Networks-ი როგორც გაზრდილი კომერციული შესაძლებლობების, ასევე გამოწვევების წინაშე დგას და მათთან გამკლავებას გაფართოების გზით გეგმავს.
რაც შეეხება ფინანსურ მაჩვენებლებსა და სამომავლო პროგნოზებს, Palo Alto-ს შემოსავალი წლიურ ჭრილში 39%-ით გაიზარდა და წინა კვარტალში $3.5 მილიარდი შეადგინა, რაც ნავარაუდევ $3.31 მილიარდს აღემატება. ამასთან, Palo Alto Networks-მა 2027 ფისკალური წლის შემოსავლების პროგნოზი $14.6 მილიარდამდე გაზარდა, რაც უოლ-სტრიტის მოლოდინს აჭარბებს.
BM.GE
წყარო: bm.ge