პატრიარქის არჩევის გამო სამების ტაძრის მიმდებარედ მოძრაობა შეიზღუდება - შსს

საქართველოს შინაგან საქმეთა სამინისტროს ინფორმაციით, საქართველოს პატრიარქის არჩევასთან დაკავშირებით, 11 მაისს სამების საკათედრო ტაძრის მიმდებარე ტერიტორიაზე საავტომობილო მოძრაობა დროებით შეიზღუდება.

უწყების ცნობით, შეზღუდვები ძალაში იქნება 09:00 საათიდან 18:00 საათამდე შემდეგ მიმართულებებზე:

• ბუხაიძის ქუჩა: მოძრაობა აიკრძალება სამრეკლოს ქუჩის მიმართულებით. ბუხაიძის ქუჩაზე მოძრაობა ნაწილობრივ შეიზღუდება — აღნიშნულ მონაკვეთზე გადაადგილებას მხოლოდ ქვეითები შეძლებენ; • ახვლედიანის მოედანი და აღმართი: საავტომობილო მოძრაობა სრულად შეიზღუდება; • ნიაბის ქუჩა: მოძრაობა შეიზღუდება გუმბრის ქუჩის მიმართულებით; • მეტრო „ავლაბარი“: მოძრაობა შეიზღუდება გონაშვილის ქუჩიდან მესხიშვილის ქუჩის მიმართულებით.

შსს-ს განმარტებით, ავტომანქანებისთვის საპარკინგე სივრცეები გამოიყოფა ახვლედიანის მოედანსა და ხეთაგუროვის ქუჩაზე.

პარკინგიდან სამების ტაძრამდე მისასვლელად მოქალაქეებს ორი გზა ექნებათ:

• სპეციალურად გამოყოფილი მიკროავტობუსებით; • ფეხით, ახვლედიანის ქუჩის გავლით.

გარდა ამისა, მეტროსადგურ „ავლაბრიდან“ ტაძრისკენ ფეხით გადაადგილება შესაძლებელი იქნება გონაშვილის ქუჩის საშუალებით.