PepsiCo ჩრდილოეთ ამერიკაში 1,000-მდე თანამშრომლის გათავისუფლებას გეგმავს
სასმელებისა და საკვები პროდუქტების მწარმოებელი გიგანტი PepsiCo ჩრდილოეთ ამერიკაში დაახლოებით 1,000 სამუშაო ადგილის შემცირებას გეგმავს.
კომპანიის განცხადებით, ეს ნაბიჯი ოპერაციული პროცესების გამარტივებას და რეგიონულ გუნდებს შორის კოორდინაციის გაუმჯობესებას ემსახურება. The Wall Street Journal-ის ინფორმაციით, საკადრო ცვლილებები მომდევნო ერთი კვირის განმავლობაში განხორციელდება.
CNBC-ის მიერ მოპოვებული წერილის თანახმად, კომპანია გეგმავს, უფრო სწრაფი, ერთიანი და ქმედითუნარიანი გახდეს, პარალელურად კი ბრენდებსა და ადამიანურ კაპიტალში ინვესტირება განაგრძოს. ეს კი, როგორც ხელმძღვანელობის მიერ დაწერილ ტექსტშია აღნიშნული, შემცირებების გარეშე შეუძლებელი იქნება.
ინფორმაციისთვის, კომპანიამ 2026 წლის მოგების პროგნოზი საშინაო ბაზარზე შექმნილი სირთულეების გამო ჯერ კიდევ ოქტომბერში შეამცირა. მესამე კვარტალის მონაცემებით, ჩრდილოეთ ამერიკაში სასმელების გაყიდვების მოცულობა 2%-ით შემცირდა, საკვები პროდუქტების მიმართულებით კი მაჩვენებელი უცვლელი დარჩა.
PepsiCo-ს ფინანსურმა დირექტორმა, სტივ შმიტმა აღნიშნა, რომ ფასების კლებასა და მარკეტინგულ კამპანიებში თანხების დაბანდების მიუხედავად, ბიზნესის გაჯანსაღების პროცესი მოსალოდნელზე მეტ ხანს გრძელდება.
ცნობისთვის, PepsiCo გლობალურად დაახლოებით 306,000 ადამიანს ასაქმებს, საიდანაც დაახლოებით 125,000 სამუშაო ადგილი შეერთებულ შტატებზე მოდის.
BM.GE
წყარო: bm.ge