პლასტმასის ბოთლებით სასმლის რეალიზაციის აკრძალვა 2031 წლამდე გადავადდა - მთავრობამ დადგენილება მიიღო
მთავრობამ მიიღო დადგენილება, რომლის მიხედვითაც პლასტმასის ბოთლებში ჩამოსხმული სასმლის წარმოება, იმპორტი და ბაზარზე განთავსების აკრძალვა 2031 წლის 1 თებერვლამდე გადავადდა.
შესაბამის დადგენილებას ხელს აწერს ირაკლი კობახიძე, რომელშიც წერია, რომ ცვლილება შედის „სურსათთან შეხებისთვის განკუთვნილი, პლასტმასისგან დამზადებული გარკვეული პროდუქციის წარმოების, იმპორტისა და ბაზარზე განთავსების აკრძალვის შესახებ“ საქართველოს მთავრობის 2026 წლის 12 მარტის №106 დადგენილებაში.
ცნობისთვის, მთავრობამ 12 მარტის დადგენილებით 2027 წლის 1 თებერვლიდან პლასტმასის ბოთლით სასმლის რეალიზაცია აკრძალა. 8 აპრილის მთავრობის სხდომაზე კი, ირაკლი კობახიძემ განაცხადა, რომ გადაწყვეტილებას გადაავადებდნენ. მისი თქმით, გადაწყვეტილება ბიზნეს სექტორთან აქტიური კონსულტაციის შედეგად შეიცვალა.
BM.GE
წყარო: bm.ge