პუტინის თქმით, რუსეთში უცხოური ინვესტიციების შედინება გრძელდება

რუსეთის პრეზიდენტმა, ვლადიმერ პუტინმა აღმოსავლეთის ეკონომიკურ ფორუმზე ქვეყანაში საერთაშორისო კაპიტალის შემოდინების შესახებ ისაუბრა. მისი თქმით, უცხოური რესურსების მოზიდვის გააქტიურება პირდაპირაა დაკავშირებული იმ საინვესტიციო პროექტებთან, რომლებიც საერთაშორისო ბიზნესისთვის კომერციულ მიმზიდველობას ინარჩუნებს.

ქვეყნის ლიდერის მტკიცებით, დაფინანსების ეს წყაროები მრავალფეროვნებით გამოირჩევა. მისი მტკიცებით, ხელისუფლება ამ მიმართულებით მუშაობას აქტიურად მომავალშიც განაგრძობს. პუტინმა ხაზგასმით აღნიშნა, რომ სტაბილური ეკონომიკური გარემოს შექმნის შემთხვევაში, რუსეთის ბაზარზე საგარეო კაპიტალის მოცულობა კიდევ უფრო გაიზრდება.

პუტინმა ისიც აღნიშნა, რომ ოფიციალური მოსკოვი საინვესტიციო ნაკადების დივერსიფიკაციას უმნიშვნელოვანეს პრიორიტეტად მიიჩნევს და ამ მიმართულებით გაძლიერებისთვის ყველა საჭირო ნაბიჯს გადადგამს.