ქანიე უესთის კონცერტზე ყველა, 70 000 ბილეთი გაყიდულია

Starring Georgia-ს ინფორმაციით, ქანიე უესთის კონცერტზე დასასწრები ბილეთების 100% უკვე გაყიდულია. ბილეთები გაყიდვების დაწყებიდან ჯამში 8 საათში ამოიწურა.

"ორი დღის განმავლობაში, YE-ს შოუს 70 000 ბილეთის გასაყიდად დედამიწას სულ რაღაც 8 საათიანი ბრუნი დასჭირდა.კიდევ ერთი რეკორდი Starring Georgia-სთვის და კიდევ ერთხელ - მთავარ როლში საქართველო!შევხვდებით 12 ივნისს, დინამო არენაზე, საქართველოში პირველი 360 გრადუსიანი სცენის ირგვლივ" - წერს Starring Georgia.

მანამდე, 11 მაისს, თიბისი ბანკის ბარათების მფლობელებისთვის წინასწარი გაყიდვები გაიხსნა. YE-ს შოუს Pre Sale-ისთვის განკუთვნილი ბილეთები 5 საათსა და 30 წუთში გაიყიდა. თიბისის ბარათის მფლობელებისთვის 25%-იანი, განაწილებით ყიდვის შემთხვევაში კი 20%-იანი ფასდაკლება მოქმედებდა.

დინამო არენაზე 12 ივნისს დაგეგმილი კონცერტის ბილეთების ფასი 270 ლარიდან იწყებოდა და 1600 ლარს აღწევდა.