რა ახალი რეგულაციები შედის ძალაში ივნისიდან? - ცვლილებების ჩამონათვალი

დღეიდან, 2026 წლის 1-ელი ივნისიდან, საქართველოში რამდენიმე ახალი რეგულაცია შედის ძალაში, რომლებიც მიმდინარე თვის განმავლობაში ეტაპობრივად ამოქმედდება. ცვლილებები ეხება საჯარო სივრცეში აზრის გამოხატვას, საყოველთაო ჯანდაცვის პირობებს, მართვის მოწმობის გამოცდის წესებსა და ტურისტული სექტორის წარმომადგენლებს.

საჯარო სივრცეში განცხადებების მონიტორინგი დღეიდან იწყება

დღეიდან, 1-ლი ივნისიდან, საჯარო სივრცეში შეურაცხმყოფელი და ღირსების შემლახველი განცხადებების მონიტორინგი და მასზე სამართლებრივი რეაგირება იწყება. ეს ფუნქცია შინაგან საქმეთა სამინისტროს ფარგლებში არსებულ ადამიანის უფლებების დაცვის დეპარტამენტს დაეკისრა.

ამავე დეპარტამენტის ამოცანა იქნება საჯაროდ ძალადობის ან სიძულვილის მოწოდების დანაშაულის ნიშნების შემცველ ფაქტებზე დროული რეაგირება და გამოძიების ეფექტიანობის უზრუნველყოფა.

ვინ ვეღარ ისარგებლებს დღეიდან საყოველთაო ჯანდაცვით

დღეიდანვე იცვლება საყოველთაო ჯანდაცვის პროგრამით სარგებლობის წესი ემიგრანტებისთვის. კერძოდ, ის პირები, რომლებიც საქართველოს ფარგლებს გარეთ უწყვეტად 6 თვეზე მეტი ვადით იმყოფებიან, პროგრამით ვეღარ ისარგებლებენ. შესაბამისი დადგენილება მთავრობამ მიმდინარე წლის იანვარში მიიღო.

„2026 წლის 1-ელი ივ­ნი­სი­დან ყო­ველ­თვი­უ­რად, გან­მა­ხორ­ცი­ე­ლებ­ლის მიერ გან­ხორ­ცი­ელ­დეს სა­ყო­ველ­თაო ჯან­მრთე­ლო­ბის დაც­ვის გეგ­მუ­რი ამბულატო­რი­უ­ლი მომ­სა­ხუ­რე­ბის ფარ­გლებ­ში ბე­ნე­ფი­ცი­არ­თა რეგისტრაციის მო­დუ­ლი­დან იმ ბე­ნე­ფი­ცი­არ­თა რე­გის­ტრა­ცი­ის შე­ჩე­რე­ბა, რომ­ლე­ბიც იმ­ყო­ფე­ბი­ან ქვეყ­ნის ფარ­გlებს გა­რეთ 6 თვე და მეტი ვა­დით უწყვე­ტად.

მო­სარ­გებ­ლის ხე­ლა­ხა­ლი რე­გის­ტრა­ცია ხორ­ცი­ელ­დე­ბა „სა­ყო­ველ­თაო ჯან­დაც­ვა­ზე გა­დას­ვლის მიზ­ნით გა­სა­ტა­რე­ბელ ზო­გი­ერთ ღო­ნის­ძი­ე­ბა­თა შე­სა­ხებ“ სა­ქარ­თვე­ლოს მთავ­რო­ბის 2013 წლის 21 თე­ბერ­ვლის №36 დად­გე­ნი­ლე­ბით დამ­ტკი­ცე­ბუ­ლი პროგ­რა­მის 23-ე მუხ­ლის მე-4 პუნ­ქტით გან­სა­ზღვრუ­ლი პი­რო­ბე­ბის შე­სა­ბა­მი­სად,“ - ნათქვამია დადგენილებაში.

სავალდებულო ხდება გიდების სერტიფიცირება

ივნისიდანვე ამოქმედდება გიდების სერტიფიცირების ვალდებულება. ამ წესის დარღვევისთვის გათვალისწინებულია გარკვეული ჯარიმები.

აღნიშნული ვალდებულება შეეხება იმ პირებს, რომლებიც სამთო გამყოლის, სათხილამურო გამყოლისა და ალპური გამყოლის საქმიანობას ახორციელებენ.

ასევე, მიმდინარე წლის 15 ივნისიდან საქართველოში მართვის მოწმობის გამოცდის წესები იცვლება. შინაგან საქმეთა მინისტრის ბრძანების მიხედვით, ახალი წესები როგორც თეორიულ, ასევე პრაქტიკულ გამოცდებს შეეხება: