რა გადაწყვეტილება მიიღო ევროპის ცენტრალურმა ბანკმა?
ევროპის ცენტრალურმა ბანკმა საპროცენტო განაკვეთების არსებულ დონეზე შენარჩუნების გადაწყვეტილება მიიღო, ანუ ძირითადი განაკვეთი ისევ 2.15%-ზე დარჩა.
მიუხედავად იმისა, რომ ბაზარი ამ გადაწყვეტილებას ელოდა, ინვესტორების ყურადღება ბანკის პრეზიდენტის, კრისტინ ლაგარდის განცხადებამ მიიპყრო, რომლის თანახმად, ახლო აღმოსავლეთში მიმდინარე კონფლიქტისა და ენერგოპროდუქტების ფასების მერყეობის გამო, ეკონომიკური პერსპექტივა „მნიშვნელოვნად უფრო გაურკვეველი“ გახდა.
ნეგატიური მოლოდინის ფონზე, ევროზონის ეკონომიკური სურათი ამჟამად რამდენიმე ურთიერთსაწინააღმდეგო ფაქტორს მოიცავს. ერთი მხრივ, ინფლაცია მიზნობრივ 2%-იან ნიშნულს უახლოვდება, თუმცა მეორე მხრივ, გეოპოლიტიკური დაძაბულობა ქმნის რისკს, რომ მიწოდების ჯაჭვების შეფერხებამ, შეიძლება, ფასების ახალი ზრდა გამოიწვიოს.
ECB-მ ხაზგასმით აღნიშნა, რომ ნებისმიერი შემდგომი გადაწყვეტილება ახალ მონაცემებზე იქნება დამოკიდებული და ბანკი ნაადრევი ოპტიმიზმის საფუძველზე მონეტარული პოლიტიკის შემსუბუქებას არ აპირებს.
BM.GE
წყარო: bm.ge