რა ღირს ოქრო და ვერცხლი?

მიმდინარე წლის პირველი ნახევარი ოქროსა და ვერცხლის ინვესტორებისთვის საკმაოდ არასახარბიელო აღმოჩნდა, რადგან წლის დასაწყისიდან დღემდე ოქრო 6%-ით არის გაუფასურებული, ხოლო ვერცხლის ფასი 16%-ითაა შემცირებული.

თუ იანვარში დაფიქსირებულ პიკურ მაჩვენებელს შევადარებთ, დავინახავთ, რომ ოქროს თითქმის 30%-იანი კლება აქვს; ხოლო ვერცხლი 50%-იან ვარდნას აჩვენებს.

მიმდინარე მდგომარეობას რაც შეეხება, უნცია ოქროს ფასი 4,060 დოლარის ფარგლებშია; ვერცხლი კი 60 დოლარად ივაჭრება.

ბოლო პერიოდში ძვირფასი მეტალების გაუფასურება კაპიტალის როტაციით არის განპირობებული, რადგან ინვესტორებს თანხის დაბანდება ამჟამად მაღალი ამონაგების მქონე ობლიგაციებში ურჩევნიათ, ვიდრე პასიურ ოქროში. ხოლო შედარებით მეტი ზრდის სურვილის მქონე ინვესტორებს კაპიტალი აქციებსა და ტექნოლოგიურ ETF-ებში გადააქვთ.