რა შედეგების დასრულდა დონალდ ტრამპის ვიზიტი პეკინში?

აშშ-ის პრეზიდენტმა დონალდ ტრამპმა პეკინში ორდღიანი ოფიციალური ვიზიტი დაასრულა. ჩინეთის ლიდერ სი ძინპინთან გამართულ მაღალი დონის შეხვედრებზე მხარეებმა ვაჭრობის, ნავთობის, ირანის, ტაივანისა და Boeing-ის საკითხები განიხილეს.

Fox News-ისთვის მიცემულ ინტერვიუში ამერიკის ლიდერმა განაცხადა, რომ ჩინეთმა ამერიკული ნავთობის შესყიდვაზე მზადყოფნა გამოთქვა. ამასთან, მან აღნიშნა, რომ პეკინი კომპანია Boeing-ისგან 200 თვითმფრინავს შეიძენს.

თავის მხრივ, სი ძინპინმა განაცხადა, რომ მხარეებმა „სტრატეგიული სტაბილურობის“ ჩარჩო შეთანხმებას მიაღწიეს და ის მომდევნო სამი წლის ურთიერთობებს განსაზღვრავს.

სამიტის დასრულებამდე დონალდ ტრამპმა სი ძინპინი თეთრ სახლშიც მიიწვია და შეხვედრის შესაძლო თარიღად 24 სექტემბერი განსაზღვრა. საყურადღებოა, რომ ჩინეთის ხელისუფლებას ეს მიწვევა ოფიციალურად ჯერ არ დაუდასტურებია, თუმცა ადგილობრივმა სამთავრობო მედიამ ვაშინგტონში მოლაპარაკებების გაგრძელების შესაძლებლობაზე საჯაროდ განაცხადა.

ცნობისთვის, ორი ზესახელმწიფოს ლიდერები ერთმანეთს ნოემბერში, შენჯენში დაგეგმილ APEC-ის სამიტზე და დეკემბერში, ფლორიდაში ჩანიშნულ G20-ის სამიტზეც შეხვდებიან.