რას მოიცავს ბრიტანული Rolls-Royce-ის და იაპონიის ატომური სააგენტოს შეთანხმება?
სამრეწველო ინდუსტრიის ბრიტანულმა გიგანტმა, Rolls-Royce-მა დიდი ბრიტანეთის ეროვნულ ბირთვულ ლაბორატორიასთან (UKNNL) და იაპონიის ატომური ენერგიის სააგენტოსთან (JAEA) თანამშრომლობის სამმხრივი მემორანდუმი გააფორმა, რაც გაერთიანებულ სამეფოში მოწინავე ბირთვული ტექნოლოგიების დანერგვის დაჩქარებას ისახავს მიზნად.
მხარეები მაღალტემპერატურული გაზით გაცივებული მოწინავე მოდულური რეაქტორის (AMR) ტექნოლოგიისა და მომავალი თაობის დაფარული ნაწილაკების საწვავის განვითარებისთვის ერთობლივად იმუშავებენ. ოფიციალური ხელმოწერის ცერემონია დაუნინგ-სტრიტის 10 ნომერში, იაპონიის პრემიერ-მინისტრის, სანაე ტაკაიჩის ვიზიტის ფარგლებში გაიმართა, რაც მხარეების ერთობლივ მისწრაფებას უსვამს ხაზს.
ცნობისთვის, დიდი ბრიტანეთის ენერგეტიკულმა სამუშაო ჯგუფმა ბირთვული ტექნოლოგიები ქვეყნის ეკონომიკური ზრდის, ენერგეტიკული უსაფრთხოებისა და ეროვნული თავდაცვისთვის სასიცოცხლოდ მნიშვნელოვან მიმართულებად განსაზღვრა.
BM.GE
წყარო: bm.ge