როგორ ამზადებს თბილისის ბრიტანული საერთაშორისო სკოლა მოსწავლეებს უნივერსიტეტისთვის

თბილისის ბრიტანულ საერთაშორისო სკოლაში (BIST) IGCSE-ის გამოცდებზე მიღებული შეფასებების 36% ორ უმაღლეს კატეგორიაში, A*-სა და A-ში მოხვდა. ორი წლის წინ ეს მაჩვენებელი 17% იყო. გაუმჯობესდა A Level-ის შედეგებიც. სკოლის ხელმძღვანელები ამ პროგრესს უკავშირებენ სწავლების მიდგომას, რომელიც მოსწავლეებს საგნის ცოდნასთან ერთად დამოუკიდებლად სწავლის უნარს უვითარებს.

რობერტ სნოუდენი, სკოლის დირექტორი:

სკოლის ძლიერ მხარედ მასწავლებლების კვალიფიკაციასა და საერთაშორისო გარემოს გამოყოფს. მისი თქმით, ინგლისურენოვან მასწავლებლებს ბრიტანული პედაგოგიური კვალიფიკაცია ან მისი ეკვივალენტი აქვთ. სკოლაში კი სხვადასხვა კულტურისა და გამოცდილების მქონე თანატოლებთან ურთიერთობა მოსწავლეებს განსხვავებული აზრის მოსმენასა და საკუთარი პოზიციის მკაფიოდ გამოხატვაში ეხმარება.

ჯეიმს პარკერი, საშუალო საფეხურის ხელმძღვანელი:

ყურადღებას ამახვილებს იმაზე, თუ როგორ იყენებენ მოსწავლეები მასწავლებლის უკუკავშირს. გაკვეთილზე მათ ეძლევათ დრო, მიუბრუნდნენ საკუთარ პასუხს, გაასწორონ შეცდომა და უკეთ ახსნან მსჯელობა. პარკერის თქმით, ასეთი პრაქტიკა მოსწავლეებს ეხმარება, ცოდნა დამოუკიდებლად გამოიყენონ და A Level-ის პროგრამაზე გადასვლისთვის მოემზადონ.

პატრიცია პავლოვსკა, დამამთავრებელი საფეხურის ხელმძღვანელი:

უნივერსიტეტისთვის მზადების მნიშვნელოვან ნაწილად დროის მართვასა და საკუთარი ინტერესების გარკვევას მიიჩნევს. სკოლის საკონსულტაციო გუნდი მოსწავლეებს პროგრამების შერჩევასა და განაცხადების მომზადებაში ეხმარება. კურსდამთავრებულთა არჩევანი მათ განსხვავებულ ინტერესებს ასახავს. ერთმა დელფტის ტექნიკურ უნივერსიტეტში აეროკოსმოსური ინჟინერიის პროგრამაზე ადგილი მოიპოვა, გეოგრაფიით დაინტერესებულმა მოსწავლემ კი რამდენიმე უნივერსიტეტისგან მიიღო პირობითი შეთავაზება, მათ შორის ლონდონის საუნივერსიტეტო კოლეჯისა და ამსტერდამის უნივერსიტეტისგან.

თბილისის ბრიტანული საერთაშორისო სკოლა (BIST) — კემბრიჯის პროგრამა ადრეული ასაკიდან A Level-მდე

თბილისის ბრიტანული საერთაშორისო სკოლა (BIST) 3-დან 18 წლამდე მოსწავლეებს ბრიტანული სისტემით ასწავლის. სწავლა ადრეული განათლების საფეხურიდან იწყება და A Level-ის პროგრამის დასრულებამდე გრძელდება.

პირველ სამ სასწავლო საფეხურზე (Key Stages 1–3) სწავლება კემბრიჯის საერთაშორისო სასწავლო გეგმას ეფუძნება. მეოთხე და მეხუთე საფეხურებზე (Key Stages 4–5) მოსწავლეები კემბრიჯის IGCSE და A Level კვალიფიკაციებისთვის ემზადებიან. ამ კვალიფიკაციებს მსოფლიოს წამყვანი უნივერსიტეტები აღიარებენ.

BIST საქართველოში ერთადერთი სკოლაა, რომელსაც ბრიტანეთის საერთაშორისო სკოლების საბჭოს (COBIS) სრული აკრედიტაცია აქვს. სკოლა ასევე აღიარებულია საქართველოს განათლების ხარისხის განვითარების ეროვნული ცენტრის მიერ. საგნებს ასწავლიან ბრიტანელი და სხვა ქვეყნების პედაგოგები, რომელთა მშობლიური ენა ინგლისურია. ბევრ მათგანს ბრიტანეთის სკოლებში გაერთიანებული სამეფოს სასწავლო პროგრამით მუშაობის გამოცდილება აქვს.

სკოლაში 500-ზე მეტი მოსწავლე სწავლობს. ისინი თითქმის 50 ეროვნებას წარმოადგენენ, ამიტომ სხვადასხვა კულტურასა და შეხედულებასთან გაცნობა სკოლის ყოველდღიური ცხოვრების ნაწილია. მოსწავლეთა დაახლოებით 20% ქართული წარმოშობისაა. ქართული ენა და კულტურა სასწავლო პროგრამაშია ინტეგრირებული, რაც მოსწავლეებს ადგილობრივ საზოგადოებასთან კავშირის შენარჩუნებაში ეხმარება.

სკოლის კამპუსი ლისის ტბასთან მდებარეობს. კამპუსში არის ინოვაციების ცენტრი, საშემსრულებლო ხელოვნების სივრცეები, საბუნებისმეტყველო ლაბორატორიები და სპორტული კომპლექსი. სკოლის საკონსულტაციო გუნდი მოსწავლეებს საზღვარგარეთ სწავლის შესაძლებლობების მოძიებასა და უნივერსიტეტებში განაცხადების შეტანის ყველა ეტაპზე ეხმარება.