როგორ შეიცვალა ნავთობის ფასი?

საერთაშორისო ენერგეტიკულ ბირჟაზე სტაბილურობა და მცირედ გაუფასურება ფიქსირდება. არსებული ინფორმაციით, გასული ღამის განმავლობაში ახალი მასშტაბური სამხედრო ინციდენტების არარსებობამ ენერგომატარებლების ფასების ზრდის ტემპი შეაჩერა. შედეგად, Brent-ის მარკის ნავთობის ფასი 2.7%-ით შემცირდა და ბარელზე $98 შეადგინა, ხოლო WTI-ის ფიუჩერსები 2.5%-ით დაეცა და $89-მდე ჩამოვიდა.

ამ მცირედი კორექციის მიუხედავად, ერთკვირიან პერიოდში ნავთობი მაინც 10%-ით არის გაძვირებული, ხოლო ერთ თვეში ზრდა 27%-ს აღწევს.

ენერგეტიკულ ბაზარზე არსებული მერყეობა პირდაპირ კავშირშია ახლო აღმოსავლეთის რეგიონში გეოპოლიტიკური ვითარების მკვეთრ გაუარესებასთან, აშშ-ირანის სამხედრო დაპირისპირებასთან და ჰუსიტების მიერ არაბულ გემებზე განხორციელებულ შეტევებთან.