რომელი ქვეყნები ლიდერობენ ფოლადის წარმოებაში?

World Steel Association-ის მონაცემებით, 2025 წელს ნედლი ფოლადის გლობალურმა წარმოებამ სულ 1 849 მილიონი ტონა შეადგინა, საიდანაც 961 მილიონი ტონა მხოლოდ ჩინეთზე მოდის. არსებული ინფორმაციით, აღნიშნული მაჩვენებელი მსოფლიო გამოშვების 52%-ს შეადგენს, რაც იმაზე მიუთითებს, რომ ჩინეთმა რეიტინგში მომდევნო 12 უმსხვილეს ქვეყანაზე მეტი ფოლადი აწარმოვა.

ექსპერტთა შეფასებით, ქვეყნის ლიდერობას მისი მასშტაბური შიდა სამშენებლო სექტორი, საექსპორტო წარმოების ბაზა და სახელმწიფოს მიერ მხარდაჭერილი ინდუსტრიული სიმძლავრეები განაპირობებს.

რაც შეეხება რეიტინგის სხვა წევრებს, მეორე პოზიციას 164.9 მილიონი ტონით, ანუ გლობალური ბაზრის 8.9%-ით ინდოეთი იკავებს. ქვეყანამ ბოლო ათწლეულების განმავლობაში ფოლადის წარმოების სიმძლავრეები ურბანიზაციისა და ინფრასტრუქტურული ინვესტიციების დაჩქარების ფონზე სტაბილურად გაზარდა.

ფოლადის უმსხვილესი მწარმოებლების რეიტინგი ასე გამოიყურება:1. ჩინეთი - 960.8 მლნ ტონა2. ინდოეთი - 164.9 მლნ ტონა3. აშშ - 82.1 მლნ ტონა4. იაპონია - 80.7 მლნ ტონა5. რუსეთი - 67.8 მლნ ტონა