რომელია საქართველოში ყველაზე დიდი სოფელი - აღწერის შედეგები

საქსტატმა საყოველთაო აღწერის დეტალური შედეგები გამოაქვეყნა, რომლის მიხედვითაც 2024 წლის ბოლოს საქართველოს მოსახლეობის 37.5% ცხოვრობდა სოფლებში, შედარებისთვის 2014 წლის აღწერის თანახმად, სოფლად მცხოვრები მოსახლეობის წილი 42.8% იყო. ანგარიშის თანახმად, საქართველოში სულ 3,617 სოფელია, თუმცა აქედან 200 სოფელი დაუსახლებელია, ასევე არაერთ სოფელში სულ რამდენიმე ადამიანი ცხოვრობს, მაგალითად, 1 მუდმივი მოსახლე ჰყავს 40 სოფელს, ორი მოსახლე 42 სოფელს, 3 მოსახლე კი 31 სოფელს.

რაც შეეხება ყველაზე დიდ სოფლებს, სტატისტიკის თანახმად, ესაა სოფელი დიღომი, რომელიც თბილისის ადმინისტრაციულ საზღვრებში მდებარეობს, თუმცა იურიდიულად კვლავ სოფლის სტატუსი აქვს. სოფელ დიღმის მოსახლეობა 22,136-ს შეადგენს. მაგრამ, ის ფაქტობრივად ქალაქ თბილისის ერთ-ერთ უბანს წარმოადგენს და ის ვაშლიჯვარსა და დიდ დიღომს შორის მდებარეობს.

მოსახლეობის რიცხოვნობით მეორე ადგილზეა სადახლო, რომელსაც 10,032 მაცხოვრებელი ჰყავს. მესამე ადგილზეა ყიზილ-აჯლო 8,855 მაცხოვრებლით.

ყველაზე მცირე მოსახლეობის მქონე სოფლების რაოდენობა:

1 კაციანი 40 სოფელი2 კაციანი 42 სოფელი3 კაციანი 31 სოფელი4 კაციანი 29 სოფელი5 კაციანი 32 სოფელი6 კაციანი 21 სოფელი7 კაციანი 24 სოფელი8 კაციანი 26 სოფელი9 კაციანი 11 სოფელი10 კაციანი 22 სოფელი.