მთავარი
BM.GEწყარო
  1. მთავარი
  2. BM.GE
  3. რუსეთის მოთხოვნების გამო, კონიაკით დატვირთული სომხური სატვირთოები 1 თვეა ლარსზე დგანან
რუსეთის მოთხოვნების გამო, კონიაკით დატვირთული სომხური სატვირთოები 1 თვეა ლარსზე დგანან

რუსეთის მოთხოვნების გამო, კონიაკით დატვირთული სომხური სატვირთოები 1 თვეა ლარსზე დგანან

BM.GE6 ოქტომბერი, 2026, 18:55|bm.ge

სომხური ბრენდის "არარატის" კონიაკით დატვირთული სატვირთოები, რუსული მხარის მოთხოვნების გამო უკვე დაახლოებით ერთი თვეა ზემო ლარსის სასაზღვრო გამშვებ პუნქტზე არიან გაჩერებულები - ამის შესახებ სატვირთოების მძღოლებმა გამოცემა shamshyan.com-თან საუბარში განაცხადეს.

მათი ინფორმაციით, ამ ხნის განმავლობაში საკვებისა და საწვავის შესაძენად განკუთვნილი თანხა დაეხარჯათ და ახლა გამოუვალ მდგომარეობაში არიან. კომპანია "არარატის" პრესსამსახურში კი აცხადებენ, რომ საუბარია დაახლოებით 20-მდე სატვირთოზე.

„მინდა ვთქვა, რომ კონიაკის შემადგენლობაში არაფერი შეცვლილა, ანუ ეს არის ისევ ის კონიაკი, რომელიც ერთი თვის წინ ექსპორტზე შეუფერხებლად გაგვქონდა, თუმცა ამჟამად რუსულ მხარეს კითხვები გაუჩნდა, აიღეს ნიმუშები და ექსპერტიზაზე გააგზავნეს. ახლა ექსპერტიზის პასუხებს ველოდებით“, - განუცხადა სომხურ გამოცემა NEWS.am-ს ერევნის „არარატის“ ქარხნის პრესმდივანმა ინგა გალუსტიანმა.

მან აღნიშნა, რომ კითხვაზე პასუხი, თუ რატომ მიიღეს ნიმუშების აღების გადაწყვეტილება, მაშინ როდესაც მანამდე სასმელის ექსპორტთან დაკავშირებით პრობლემები არ ჰქონიათ, რუსული მხარის კომპეტენციაში შედის.

„მძღოლებმა ასევე წამოჭრეს ანაზღაურების საკითხი. მინდა აღვნიშნო, რომ გადამზიდველებთან ჩვენი ურთიერთობები სახელშეკრულებო ხასიათისაა და ეს საკითხები ჩვენს კომპეტენციას სცილდება“, — დაასკვნა პრესმდივანმა.

ცნობისთვის, კონიაკის მწარმოებელი სომხური კომპანიები რუსეთში ექსპორტს, გარკვეული პერიოდის განმავლობაში, გასულ წელსაც შეფერხებით ახორციელებდნენ, მაშინ მიზეზი საქართველოს მხარის მხრიდან შემოწმების პროცედურები იყო. საქართველოს ფინანსთა სამინისტროს შემოსავლების სამსახურში, სომხეთში კონიაკის მწარმოებელი კომპანიების წარმომადგენლების პროტესტის საპასუხოდ აცხადებენ, რომ საბაჟო გამშვებ პუნქტებზე კონტროლის პროცედურები სტანდარტულად მიმდინარეობს.

გაზიარება:

BM.GE

წყარო: bm.ge

ორიგინალი სტატია

თემა: რუსეთის

ამ თემას 5 ქართული წყარო აშუქებს — სულ 269 სტატია.

  • საქართველოს საპატრიარქოს დელეგაცია რუსეთის პატრიარქ კირილეს იუბილეზე მოსკოვში ჩავიდაფორმულა
  • EU News: რუსეთ-უკრაინის სამშვიდობო მოლაპარაკებებში კაია კალასი პროცესს მიღმა რჩება და მას მხოლოდ დამკვირვებლის როლი ერგებარუსთავი 2
  • ევროკავშირმა რუსეთის წინააღმდეგ სანქციები გააფართოვა - შავ სიაში 12 პირი და 101 ორგანიზაცია მოხვდატვ პირველი
  • ვიღებ მილოცვებს – ხოშტარია რუსეთში „დროას“ არასასურველ ორგანიზაციად გამოცხადებაზენეტგაზეთი
რუსეთის →

მსგავსი სტატიები

2026 წლის მაისში აშშ-ის ვაჭრობის დეპარტამენტმა ჩინეთში 879,000-ზე მეტი AI-ჩიპის გაყიდვა დაამტკიცა

2026 წლის მაისში აშშ-ის ვაჭრობის დეპარტამენტმა ჩინეთში 879,000-ზე მეტი AI-ჩიპის გაყიდვა დაამტკიცა

BM.GE

ფეროშენადნობების მწარმოებლებისთვის ელექტროენერგიის დავალიანების გადავადება იგეგმება - ასოციაცია

ფეროშენადნობების მწარმოებლებისთვის ელექტროენერგიის დავალიანების გადავადება იგეგმება - ასოციაცია

BM.GE

არ ვთვლი, რომ ekalata-მდე ნაკლები კონკურენცია იყო ბაზარზე - ვანო მესტიაშვილი

არ ვთვლი, რომ ekalata-მდე ნაკლები კონკურენცია იყო ბაზარზე - ვანო მესტიაშვილი

BM.GE

უცხოელებზე შრომითი საქმიანობის უფლება გაიცემა, თუმცა ხშირად ბინადრობის ნებართვაზე იღებენ უარს - GLCC

უცხოელებზე შრომითი საქმიანობის უფლება გაიცემა, თუმცა ხშირად ბინადრობის ნებართვაზე იღებენ უარს - GLCC

BM.GE