რუსული თავდასხმების გამო უკრაინულმა ბიზნესმა $7.7 მილიარდი იზარალა - სერჰი კორეცკი

2026 წლის დასაწყისიდან რუსული თავდასხმების შედეგად უკრაინული ბიზნესის ზარალმა $7.7 მილიარდი შეადგინა.

როგორც ქვეყნის პრემიერ-მინისტრმა, სერჰი კორეცკიმ განაცხადა, ინფრასტრუქტურული ზარალი კომერციულ ფართებს, საწარმოო ობიექტებსა და საწყობებში განთავსებული საქონელს აერთიანებს.

მისი თქმით, მიმდინარე წელს მილიონ კვადრატულ მეტრზე მეტი სასაწყობე და ლოგისტიკური დანიშნულების უძრავი ქონება დაზიანდა. პრემიერის განცხადებით, ზარალის ოდენობა ძალიან დიდია და მაჩვენებელი მუდმივად იზრდება.

გამოცემა Kyiv Indipendent-ის ინფორმაციით, მუდმივი თავდასხმების ფონზე უკრაინული ბიზნესის საოპერაციო პროცესები საგრძნობლად ფერხდება. კიევში დაფუძნებული ეკონომიკური კვლევების ინსტიტუტის მიერ გამოკითხული 467 კომპანიის გამოკითხვით დადგინდა, რომ საწარმოო სიმძლავრეების სრულად გამოყენების მაჩვენებელი ზედიზედ მეორე თვეა ეცემა და ის 55%-დან 47%-მდე შემცირდა.

ორგანიზაციების 58.7%-მა აღნიშნა, რომ საჰაერო განგაშის გამო სამუშაო დრო დაკარგა, ხოლო 49.5%-მა წარმოება დროებით შეაჩერა. ამასთან, სტატისტიკით გაირკვა, რომ საწარმოო მოცულობების შემცირების მაჩვენებელი 15.6%-დან 22.6%-მდე გაიზარდა. როგორც ირკვევა, გაზრდილი რისკების გამო, კომპანიების 47.5% საკუთარი საქმიანობის ორწლიან პროგნოზს ვეღარ აკეთებს.