რუსული Urals-ის ფასი ომამდე ნიშნულს ჩამოსცდა
რუსული ნავთობის ფასი ირანის ომამდე ნიშნულს ჩამოსცდა. ამ დროისთვის Urals-ის ფასი ბარელზე 52 დოლარს შეადგენს, რაც მიმდინარე წელს ყველაზე დაბალი მაჩვენებელია. წინა თვესთან შედარებით, რუსული საწვავი 40%-ით არის გაიაფებული.
მსოფლიო ბაზარზე ნავთობმა გაიაფება ირან-აშშ-ის სამშვიდობო შეთანხმების შემდეგ დაიწყო, რასაც ჰორმუზის სრუტის გახსნაც ახლდა თან.
ფასმა იკლო ყველა ტიპის საწვავზე, მათ შორის Urals-ზეც. თავის მხრივ უკრაინის თავდასხმების გამო, რუსეთს ნავთობის წარმოებაში სერიოზული პრობლემები აქვს და ნავთობის ტრადიციულად ექსპორტიორ მსოფლიოში მეორე ქვეყანას ახლა თავად უწევს იმპორტი.
უკრაინის თავდაცვის ძალები ინტენსიურად უტევენ ნავთობგადასამუშავებელ ქარხნებს, ნავთობის ტერმინალებს როგორც რუსეთის ტერიტორიაზე, ისე ანექსირებულ ყირიმში. შედეგად რუსეთის არაერთი მსხვილი ნავთობგადასამუშავებელი ქარხანა, მათ შორის მოსკოვის იძულებული გახდა მუშაობა რამდენიმე თვით შეეჩერებინა.
BM.GE
წყარო: bm.ge