საფონდო ბირჟამ ახალი რეკორდი დაამყარა

უოლ-სტრიტზე აღმასვლის მკვეთრი დინამიკა ისევ გრძელდება. კერძოდ, ძირითადი ინდექსის, S&P 500-ის მაჩვენებელმა 7,600 პუნქტს მიაღწია, რაც ისტორიული მაქსიმუმია. ერთწლიან პერიოდში ინდექსს თითქმის 28%-იანი ზრდა აქვს, რაც ისტორიულ საშუალო მაჩვენებელზე 2-ჯერ მეტია.

რეკორდული შედეგი აქვს Nasdaq-ის ტექნოლოგიურ ინდექსსაც, რომელიც ამჟამად 27,086-იან ნიშნულზე იმყოფება, რაც მსხვილი კომპანიების მკვეთრი ზრდით არის განპირობებული. ერთწლიან პერიოდში Nasdaq-მა თითქმის 40%-იანი ზრდის დაფიქსირება შეძლო.

აღმასვლის მიზეზს რაც შეეხება, ის, პირველ რიგში, უმსხვილესი ტექნოლოგიური კომპანიების ფინანსური შედეგებით არის განპირობებული. მოგეხსენებათ, თითქმის ყოველი მათგანი ამჟამად რეკორდული ზრდის ფაზაშია, მაგალითად, Google-ის მოგება 81%-ით გაიზარდა, ხოლო NVIDIA მიმდინარე კვირას საერთოდ ახალ ბაზარზე შევიდა და პერსონალური კომპიუტერებისთვის CPU-პროცესორების წარმოება დაიწყო.

თუკი ძირითად დინამიკას დავაკვირდებით, დავინახავთ, რომ ყველა წარმატებული კომპანია პირდაპირ თუ ირიბად ხელოვნურ ინტელექტთან არის დაკავშირებული, რომელიც საუკუნის მთავარი ტექნოლოგიად ითვლება და Nasdaq-ის ინდექსში წარმოდგენილ კომპანიებს არნახული ტემპით განვითარების საშუალებას აძლევს.