საგამოცდო ცენტრების მიმართულებით დამატებითი მარშრუტები დაინიშნება - კახა კალაძე

ეროვნულ გამოცდებში მონაწილე პირთა ტრანსპორტირების მიზნით, თბილისის მერია მუნიციპალური ავტობუსების დამატებით მარშრუტებს ნიშნავს. ამის შესახებ დედაქალაქის მერმა, კახა კალაძემ მუნიციპალიტეტის მთავრობის სხდომაზე განაცხადა.

სპეციალური მარშრუტები 2 ივლისიდან 30 ივლისამდე პერიოდში იფუნქციონირებს და გამოცდების მონაწილეებს 06:00-დან 20:00 საათამდე მოემსახურება.

ავტობუსები გავლენ შემდეგი მეტროსადგურების მიმდებარე ტერიტორიებიდან:

• „ახმეტელის თეატრი“ • „დიდუბე“ • „სამგორი“ (ზედა გასასვლელი)

საგამოცდო ცენტრები, რომელთა მიმართულებითაც დაწესდება ტრანსპორტი: მუნიციპალური ავტობუსები მგზავრებს მიიყვანენ შემდეგ საჯარო სკოლებთან გახსნილ საგამოცდო ცენტრებში: №39, №103, №147, №160, №175, №177, №181 და №191.