საჯარო და კერძო თანამშრომლობის სააგენტოს სტატუსის და სახელის ცვლილებას პარლამენტმა მხარი დაუჭირა

პარლამენტმა მესამე მოსმენით დაჩქარებული წესით დაამტკიცა საკანონმდებლო ცვლილება, რომლის მიხედვითაც „საჯარო და კერძო თანამშრომლობის სააგენტოს“ სტატუსი და სახელწოდება იცვლება. რეფორმის შედეგად უწყებას „ინვესტიციების სააგენტო“ ეწოდება.

კანონპროექტი ეკონომიკური პოლიტიკის კომიტეტის თავმჯდომარის პირველმა მოადგილემ, ირაკლი მეზურნიშვილმა წარადგინა. ცვლილებას მხარი 89-მა დეპუტატმა დაუჭირა.

საკანონმდებლო პაკეტის მიხედვით, იცვლება სააგენტოს მართვის მოდელი და ფუნქციური დატვირთვა:

• უწყება საქმიანობას „ინვესტიციების სააგენტოს“ სახელით გააგრძელებს. • სააგენტო ეკონომიკისა და მდგრადი განვითარების სამინისტროს მმართველობის სფეროში გადადის. • რეფორმის ავტორების განმარტებით, ცვლილება მიზნად ისახავს ქვეყანაში საინვესტიციო პოლიტიკის უფრო ეფექტიან მართვას და საჯარო-კერძო პარტნიორობის პროექტების კოორდინაციის გაუმჯობესებას.

აქამდე მოქმედი კანონმდებლობით, საჯარო და კერძო თანამშრომლობის სააგენტო მთავრობის ადმინისტრაციის ფარგლებში ფუნქციონირებდა და საინვესტიციო პროექტების ექსპერტიზასა და მხარდაჭერას ახორციელებდა.