სამხრეთ კავკასიური გაზსადენით თურქეთს 86 მლრდ მ3 გაზი მიეწოდა
სამხრეთ კავკასიურმა მილსადენმა ექსპლუატაციაში შესვლის დღიდან დღემდე თურქეთს თითქმის 86 მლრდ მ3 მიაწოდა. ამის შესახებ ინფორმაციას აზერბაიჯანის ენერგეტიკის სამინისტრო ავრცელებს.
აღნიშნული მილსადენი უკვე 19 წელია ფუნქციონირებს და შაჰდენიზის საბადოდან მოპოვებული გაზი თურქეთის ბაზარზე გადააქვს. კერძოდ, მილსადენი უზრუნველყოფს კასპიის ზღვის აზერბაიჯანულ სექტორში მდებარე შაჰდენიზის საბადოდან მოპოვებული ბუნებრივი აირის ტრანსპორტირებას აზერბაიჯანის, საქართველოსა და თურქეთის მიმართულებით.
გაზსადენი ექსპლუატაციაში 2006 წლის ბოლოს შევიდა და თავდაპირველად „შაჰდენიზის“ პირველი ფაზის ფარგლებში მოპოვებულ გაზს ატარებდა. 2018 წლის ზაფხულიდან კი, გაფართოებული სამხრეთ კავკასიური მილსადენის მეშვეობით, თურქეთს „შაჰდენიზის“ მეორე ფაზის გაზიც მიეწოდება, სადაც ის TANAP-ის გაზსადენს უერთდება.
საქართველოზე გამავალი მილსადენი ბოლო წლებში ფაქტობრივად საპროექტო დატვირთვით მუშაობს და ყოველწლიურად დაახლოებით 22 მლრდ მ3 ბუნებრივ აირს ატარებს. გასული წელს გაზსადენმა რეკორდული 23 მლრდ მ3-მდე გაზი გაატარა.
BM.GE
წყარო: bm.ge